Н.Амарзаяа: Жилийн борлуулалтын орлогын босгыг 300 сая болговол бодит дэмжлэг болно

УИХ-ын Төсвийн байнгын хорооны өнөөдрийн /2020.04.14/ хуралдаанаар  Нэмэгдсэн өртгийн албан татварын тухай хуульд өөрчлөлт оруулах тухай хуулийн төслийг хэлэлцэж дэмжлээ.

Энэ үеэр УИХ-ын гишүүн Н.Амарзаяа

НӨАТ-ын асуудлыг хоёр гишүүн хөндөж байгаа нь анхаарах цаг болсон гэдгийг харуулж байна. Н.Оюундарь гишүүн 2 хувийг буцаан олгодгийг 7 хувийг буцаан олгодог болгож НӨАТ-ыг 3 хувь болгоё гэж байна. Харин Б.Пүрэвдорж гишүүн 5 хувь болгоё гэж байгаа. Анхаарч үзэх нь чухал болов  уу гэж би гурав дахь хувилбарыг санал болгомоор байна. 

НӨАТ шууд бус татвар. Үнийн бодлогод нөлөөлдөг , Монгол улсын бүх иргэн өрх бүрд нөлөөлдөг гол татвар. Төсвийн орлогын гуравны нэг хувийг эзэлдэг онцлох чухал асуудал. Ковид-19 цар тахлын үед худалдаа наймаа, бизнесийн нөхцөл байдлыг анхаарч жижиг аж ахуй нэгж бизнес эрхлэгч тэр дундаа хэрэглэгчдэд хамгийн найдвартай дэмжлэг үзүүлэх процесс бол НӨАТ-ын хууль эрх зүйн орчны асуудал. Энэ жилийн борлуулалтын орлогын босгийг 300 сая төгрөг болгоод өгчихвөл жижиг аж ахуй нэгжээ дэмжсэн чухал алхам болно.