Байр суурь1 мин унших
2025 оны төсөвт ШЕЗ-өөс 420,8 тэрбум төгрөгийн саналыг тусгажээ
Шүүх
Олон улсын стандартын шаардлага хангасан шүүх барилга Монгол Улсад нэг ч байдаггүй. Шүүх хуралдааны танхимгүйн улмаас шүүгчийн өрөөнд хуралдах тохиолдол ч цөөнгүй.
Иймд ирэх оны төсөвч Шүүхийн Ерөнхий Зөвлөлөөс 420 тэрбум төгрөгийн төсөв шаардлагатай гэж үзэн төсвийн саналаа тусгажээ.
Харин сангийн яамнаас аудит оруулж барилга, их засвар, тоног төхөөрөмж болон бусад гэх асуудалд зарцуулах 100 тэрбум төгрөгийг хасах асуудал ХЗБХорооны хуралдаанд яригдсан байна.
УИХ-ын гишүүн Г.Уянгахишиг төсөвт тусгуулах мөнгөн дүн 100 тэрбумаар буурсан нь өөрөө хуулийн зөрчил гэдгийг байнгын хорооны дарга хэдэнтээ ярьсан. Уг хасагдсан зардалд ямар төрлийн зардлууд байсныг Сангийн яамнаас тодруулсан юм.
Тэрбээр "Засгийн газрын нэг цэгийн үйлчилгээний барилгад 210 тэрбумыг төсөвлөчихсөн. Хэн үйлчлүүлэх нь тодорхой биш барилга дээр энэ мөнгөн дүнгээр төсөв баталчхаад иргэдийн үйлчлүүлдэг нэн шаардлагатай барилгууд нь халаалт, урсгал зардал байхгүй, засвар хийгдээгүй, бүр байр ч байхгүй нөхцөлд байхад 100 тэрбумыг хасах шаардлага нь юу байсан юм бэ" хэмээн асуув.
Эх сурвалж:
МОНГОЛ TV


