УИХ-ын дарга Д.Амарбаясгалан өнөөдөр /2025.07.31/ Бүгд Найрамдах Солонгос Улсын Үндэсний Ассамблейн дарга Ү Вон Шигтай Монгол Улсад 4-р сард албан ёсны айлчлал хийснээс хойш дахин уулзлаа.
Хоёр улсын иргэд харилцан адил нөхцөлөөр зорчих, хүмүүнлэгийн хүндэтгэн үзэх шалтгаантай монгол иргэдийн БНСУ-д зорчих нөхцөлийг дорвитой хөнгөвчлөх, БНСУ-ын хил дээрээс буцаагддаг асуудалд Үндэсний Ассамблейн зүгээс үргэлжлүүлэн анхаарч өгөхийг хүсэв.
БНСУ-ын Үндэсний Ассамблейн дарга Ү Вон Шигийн зүгээс Монгол Улсад хийсэн албан ёсны айлчлалын мөрөөр ажиллаж, “10 аймгийн дулааны станц барих” төслийг хурдан хугацаанд хэвийн байдалд оруулж, төсөл амжилттай хэрэгжихэд анхаарч буйгаа онцоллоо.
