НҮБ-ын Хүүхдийн Сан болон Британийн Элчин сайдын яам өнөөдөр /2025.08.11/ Орхон аймагт “Ногоон ирээдүй” нэртэй уур амьсгалын өөрчлөлтөд тэсвэртэй бага насны хүүхдийн хөгжлийн төв байгуулах хамтын ажиллагааны гэрээнд гарын үсэг зурлаа.
Энэхүү төсөл нь Их Британи улсын Гадаад харилцаа, Хамтын Нөхөрлөл болон Хөгжлийн Газар (FCDO) болон Орхон аймгийн хамтарсан хөрөнгө оруулалтаар хэрэгжинэ. Төслийн хүрээнд одоо байгаа нийтийн зориулалттай барилгыг нүүрсгүй, эрчим хүчний хэмнэлттэй, хүүхдэд ээлтэй орчин Бага насны хүүхдийн хөгжлийн төв болгон шинэчлэх юм.

Тус төв ашиглалтад орсноор 0–5 насны 500 гаруй хүүхдэд эрүүл мэнд, хоол тэжээл, хөгжлийн цогц сургалтууд хамрагдана. Мөн түүнчлэн 1000 гаруй эцэг эхчүүдэд зориулсан ногоон амьдралын хэв маяг, орлого дээшлүүлэх бизнес эрхлэх ур чадварууд эзэмшүүлэх сургалтууд зохион байгуулагдана.
