УИХ-ын чуулганы /2025.09.18/-ны өдрийн хуралдаанаар Монгол Улсын 2026 оны төсвийн тухай хуульд өөрчлөлт оруулах тухай хуулийн төслийг хэлэлцлээ.
Хэлэлцэж буй асуудалтай холбоотой гишүүд асуулт асууж, үг хэллээ.
УИХ-ын гишүүн Х.Булгантуяа:
Төсвийн номын 123 дугаар хуудсан дээр төрийн өмчийн компаниудаас 548,3 тэрбум төл төгрөгийг төсөвт төвлөрүүлэхээр тусгасан байна. Үүнээс 372,9 тэрбум төгрөгийг хуримтлалын санд, 95,4-ийг орон нутгий төсөвт гэх мэт. Гэтэл 2024 оны аудитын дүгнэлтээр нийтдээ 100 тэрбумыг төвлөрүүлэх байснаас дөнгөж 40 тэрбумыг төвлөрүүлж чадсан. Харин энэ удаа төрийн өмчит ААН-үүдээс 548,3 тэрбум төгрөг буюу өнгөрсөн оны төлөвлөгөөнөөс 12 дахин их орлогыг хэрхэн нэмэгдүүлэх гэж байгаа юм бол ? Гүйцэтгэл нь дөнгөж 40%-тай, 60%-аар муу байхад 13,7 дахин нэмэгдүүлсэн байна.
Төрийн болон төрийн өмчийн оролцоотой хуулийн этгээдийн хувьцааг олон нийтэд санал болгож бүтцийн өөрчлөлт хийснээр, 120 тэрбумыг эх үүсвэрийг төсөвт төвлөрүүлнэ гэжээ. Монгол улсын 2026 оны нэгдсэн төсвийн үр дүнгийн үзүүлэлтийн алдагдал санхүүжүүлэх эх үүсвэр дээр хамгийн сүүлд нь өмч хувьчлалын орлого гэж 2026 онд бичигдэх ёстой тэр нь тэг байна. Тэгэхээр энэ тооцооллуудаа та нар алдаатай гаргасан юм биш үү?