Байр суурь3 мин унших
П.Сайнзориг: Архины хамааралтай хүмүүс жилд 6 удаа хордлогоо тайлуулаад эмчилгээний төлбөр 20 саяыг ЭМДС дээр бичүүлж байна
Сэтгүүлч Б.Цэцэгсүрэн
Одоохон...
Байр суурь3 мин унших
Сэтгүүлч Б.Цэцэгсүрэн
Хэлэлцэж буй асуудалтай холбогдуулан гишүүд үг хэлэв.
УИХ-ын гишүүн П.Сайнзориг:
Зарим сайд нарынхаа хэлж байсныг л өнөөдөр сануулж хэлье дээ. Ялангуяа Уул уурхай, эрдэс баялгийн сайд яг төсвийн хууль дээр хариулж байсан шигээ хууль эрх зүйн орчноо оруулж ирээрэй. Бид ирээдүй цаг дээр л ярьж байгаа. Үүнийг бодит ажил болгочихъё. Н.Учрал сайд гадаадын хөрөнгө оруулалтын хууль болон тендерийн хуулийг оруулж ирээд батлуулж чадахгүй бол дараа жил эдийн засгийн форум зохион байгуулж чадахгүй гэж хэлсэн.
Засаг захиргааны нэгжийн өөрчлөлтийн асуудлыг Т.Доржханд сайд болон Эдийн засаг, хөгжлийн сайд 2 оруулаад ирмээр байгаа юм. Ядаж л аймгийн төвүүдийн 25 сумыг эхний ээлжид татан буулгачихъя л даа. Ингэж байж урсгал зардлаа хэмнэе. Хуучин бүтцээр явбал бидний ярьж байгаа үнэт зүйл, зорилго руу явж чадахгүй байна аа.
ЭМД-ын сан дээр мөн ялгаа байхгүй. Хүн солиод асуудал шийдэгдэхгүй. Бодитой өөрчлөлтүүдийн үнэнг иргэддээ хэлээд, хийх хэрэгтэй. Аль нь ЭМД-ын сангаас 100% хариуцаж үнэ ЭМД-ын сангаас 100% хариуцаж үнэ төлбөргүй, алиных нь төлбөрийн тодорхой хувийг иргэн төлөх юм гэдгийг ард түмэндээ хэлмээр байна.
Гадаадын хөрөнгө оруулалттай банкийг оруулж ирээд тодорхой дэд бүтцийн төслүүдэд хөрөнгө оруулалт, хийлгэх үү, үгүй юу? П.Наранбаяр сайд батлуулаад өгсөн төсвийг анхаармаар байна. Сургууль цэцэрлэгийн хүртээмжийг нэмэгдүүлэхээсээ гадна агуулга руу орохгүй бол болохгүй нь.Шинжлэх ухаанд итгэдэг иргэдийг бэлтгэх мэргэжлийн хүмүүсийн хэлж байгаа санал дүгнэлтийг сонсож тунгаадаг байхгүй бол боловсрол гэдэг чинь гэрчилгээ гардуулах тухай биш юм байна шүү. Таныг их л прогрессив хүн гэж үнэлдэг. Агуулгын өөрчлөлтүүдийг гаргахад ярьдаг биш шийдэг, УИХ дээр мэтгэлцээн өрнөг л дээ.
Би Доржханд сайдын өөдөөс харж байгаад хэлье. Би тендерийн хуулийг танай залуус, нийслэлийнхэнтэй болон холбогдох хүмүүстэй суугаад хүлээлгээд өгсөн. Хагас жил 7 сар болж байна. Өргөн барихгүй бултаад гүйгээд байдаг. Би өөрөө өргөн барьчихъя гэхээр "болохгүй шүү" гэдэг үгийг хүнээр дайлгадаг. Ийм байдлаар ажил явахгүй.
Бид өнөөдөр төсвийн хууль хэлэлцэж байна. Энэ хөрөнгө оруулалт талаасаа буюу тендерийн хуулиасаа болоод хагас жилийн настай болчихлоо. 5 сарын 30-нд тендерээ зарлаж чадахгүй бол бүх хөрөнгө оруулалтуудыг нь хураагаад УИХ-ын баталсан хуулийн үйлчлэл нь зогсчхоод байна шүү дээ.