#Коммент3 мин унших
Ж.Сандагсүрэн: Нийслэлээс хөрөнгө оруулсан төслүүд үр өгөөжөө өгч, эргэн төлөлт нь төсөвт дарамт учрууралахгүй байх ажлууд хийгдэж байна!

Сэтгүүлч Б.Цэцэгсүрэн
Одоохон...
#Коммент3 мин унших

Сэтгүүлч Б.Цэцэгсүрэн
Ингэхдээ нийслэлээс улсын төсөвт 263.7 тэрбум төгрөг төвлөрүүлэхээр төлөвлөжээ.
Өнгөрсөн өвөл ТЭЦ-4 дээр гарсан дэлбэрэлтийн улмаас тодорхой хэсэгт гэмтэл гарч хотын төв болоод урд хэсэг хөлдөх аюулд ороод байсан юм.
Тиймээс Нийслэлийн Багануур дүүрэг дэх цахилгаан түгээх станцыг түшиглэн 270 тэрбум төгрөгийн төсөвт өртөг бүхий 50 МВт хүчин чадалтай Батерей хуримтлуурын станцыг байгуулж 12 дугаар сарын 5-ны өдрөөс төвийн системд холбосон билээ.
ДЦС-4 нь хэрэглээ багатай шөнийн цагт эрчим хүч үйлдвэрлэж хий алдаад, орой 5-9 цагийн оргил ачаалалтай үед ачааллаа дийлэхгүй тохиолдол гардаг. Тиймээс Батарей хураагуурын станц ашиглалтад орсноор шөнийн цагт үйлдвэрлэсэн илүүдэл эрчим хүчийг хураагаад, өдөр оргил ачааллын үед буцаан төвийн системд нийлүүлэх тохируулгын системтэй болсон юм.

Мөн жилийн өмнө Нийслэл хот дотоодын зах зээлээс 500 тэрбум төгрөгийн бонд босгож, үүнээс 300 тэрбумыг Бөөрөлжүүтийн цахилгаан станцад хөрөнгө оруулсан юм.
Станцын 150 МВт хүчин чадалтай I блокийг өнгөрсөн жилийн 12 дугаар сард ашиглалтад оруулснаар төвийн бүсийн нэгдсэн системд эрчим хүч нийлүүлж эхэлсэн юм.
Харин II блок өнгөрөгч аравдугаар сарын 18-ны өдрөөс эхлэн ашиглалтад орсноор үндсэндээ Бөөрөлжүүтийн цахилгаан станц Монгол Улсын эрчим хүчний системд 300 МВт цахилгаан эрчим хүч нийлүүлж байгаа юм.

НИТХ-ын төлөөлөгч, Эдийн засаг, төсөв, хөрөнгө оруулалтын хорооны дарга Ж.Сандагсүрэн нийслэлээс гаргасан бонд болон төсвийн хөрөнгө оруулалтаар хийгдсэн төслүүд үр өгөөжөө өгч буй талаар онцоллоо.
Тэрбээр "Төсвөөс авсан хөрөнгө оруулалтуудаа буцаан төлөхөөр орлогуудаа төвлөрүүлж эхэлж байна. Тухайлбал, Батерей хуримтлуурын станц нь 28 тэрбум төгрөгийн орлого олж төсөвт төвлөрүүлж байгаа бол Бөөрөлжүүтийн цахилгаан станц хүлээсэн үүргийнхээ дагуу хүү болон зээлийн эргэн төлөлтийг ном журмын дагуу төлж байгааг онцлох нь зүйтэй.
Нийслэлд орж ирж буй зээлүүдийг үр ашигтай төсөлд зарцуулж, эргэн төлөлтийг төсөвт дарамтгүйгээр төвлөрүүлэх ажлуудыг хийгдэж байна" гэв.
Төсвийн орлого нэмэгдэж байгаа нь ААН-үүд үйл ажиллагаагаа сайн явуулж татвараа төлж буйн илрэл юм. Тиймээс ААН-үүд үйл ажиллагаагаа шуурхай явуулахын тулд тэдэнд тулгардаг саад бэрхшээлийг арилгах тал дээр НИТХ онцгойлон анхаарч ажиллах аж.
“Татвар төлөгчдийн хүрээ томрох нь чухал. Олон ААН-үүд үйл ажиллагаагаа шуурхай явуулахын тулд тэдний бизнесийн үйл ажиллагааг нь дэмжих, түүнд зарцуулах хөрөнгийг шийдэх хэрэгтэй байна. Барилга байшин барих, зөвшөөрөл олгох тал дээр хүнд сурталгүй байж, чөлөөтэй дэмжих ажлыг хийж төсвийн бааз суурийг нэмэгдүүлэх, мөн үл хөдлөх хөрөнгөтэй холбоотой татварын шударга бус нөхцөлүүдийг арилгах шаардлагатай” мөн нэмж тодотгов.