#Коммент2 мин унших
Х.Нямбаатар: 2026 оныг “Нийслэлийн бизнес эрхлэгчдийг дэмжих жил” болгон зарлаж, зөвшөөрлийн үе шатыг цөөлөх ажлаар эхлүүлнэ

Сэтгүүлч Б.Цэцэгсүрэн
Одоохон...
#Коммент2 мин унших

Сэтгүүлч Б.Цэцэгсүрэн
Хот 2025 оныг “Бүтээн байгуулалтын жил” болгон зарлаж, олон ажлуудыг гараанаас гаргасан.
Сэлбэ 20 минутын хот, Туулын хурдны зам, Дүүжин замын тээвэр зэрэг томоохон бүтээн байгуулалтын ажлууд үргэлжилж байна.
Сэлбэ хот төслийн эхний ээлжийн 3818 айлын орон сууцыг 2027 оны III улиралд ашиглалтад оруулна.
Уг төсөл Засгийн газрын “20 минутын хот” үзэл баримтлалын анхны хот болж, гэр хорооллыг орон сууцжуулах, улмаар агаарын бохирдол, түгжрэлийг бууруулахад хувь нэмрээ оруулаад зогсохгүй нийгэм, эдийн засаг, иргэдийн амьдрах орчинд олон талт ач холбогдолтой. Сэлбэ хотын газар чөлөөлөлтийг 1.6 жилд хийж, 1876 айлын газрыг чөлөөлсөн. Чингэлтэй дүүргийн 14, 18 дугаар хороо, Сүхбаатар дүүргийн 14 дүгээр хороо буюу 5, 6, 7 буудал орчимд нийт 158 га газарт 8575 айлын орон сууц бүхий анхны жишиг “Сэлбэ 20 минутын хот” төслийн долоон багц бүтээн байгуулалтын ажил үе шаттай үргэлжилж байна.

Өнөөдрийн байдлаар бүтээн байгуулалтын бэлтгэл ажил 80 хувьтай. Тойрог замын тендерийг гуравдугаар сарын 1-нд нээнэ. Бүтээн байгуулалтын барилгын ажлыг гуравдугаар сарын 15-нд эхлүүлнэ. 2027 оны долоодугаар сарын 1-нд зорчих хэсгээ нээнэ гэсэн шахуу төлөвлөгөөтэй.

Төслийн нийт ажил 54 хувьтай үргэлжилж байна. Дүүжин замын тээврийн 19 тулгуур багана суурилуулахаас 18 тулгуур баганыг суурилуулж, хоёр буудлын барилгын ажлыг гүйцэтгэж байна. Мөн 98 ширхэг кабины гараашийн барилга угсралтын ажлыг эхлүүллээ.

Улаанбаатар Метро, Дулааны V цахилгаан станц зэрэг хүлээлт өндөр төслүүдийн гэрээ хэлцэл хийгдэж, бичиг цаасны ажлууд цэгцрээд буй.
Сүүлийн нэг жилийн хугацаанд Монгол Улсын эдийн засаг агшиж, ААН-үүдийн үйл ажиллагаа саатсанаар, татвар төлөлт эрс буурсан. Нэлээдгүй олон ААН дампуураад байна.
Хотын дарга Х.Нямбаатар "Бизнес эрхлэлтийг дэмжинэ гэдэг нь ТҮЦ-ийг дэмжинэ гэсэн үг биш. Тэдэнд тулгамдаж буй хүндрэлүүдийг хамтдаа даван туулахын зорино.
Үүнд хорооны 8 нэрийн дэлгүүрээс эхлэн МCS хүртэлх бүх бизнес эрхлэгчдэд тулгамдаж буй бэрхшээлүүдийг шийднэ.
Үндэсний үйлдвэрлэгч, бүтээн байгуулагчдаа дэмжиж байж хамтдаа хөгжинө. Үүний тулд хамгийн түрүүнд зөвшөөрөл, бичиг баримтын өгдөг газрууд, эрчим хүч, ус, дулаан хангамжаар хангадаг байгууллагуудын хандлагыг өөрчилж, шат дамжлагыг цөөлнө" хэмээн онцлов.
Тиймдээ ч нийслэл хотын удирдлагууд 2026 он бүх инженер техникийн ажилтнууд хандлагаа өөрчилж бизнес эрхлэгчдэд ажил, үйлчилгээгээ явуулах боломжийг нь нээж, дэмжин ажиллахыг уриалж байна.