Онцлох мэдээ2 мин унших
Нарангийн голд “Толгойт-уламжлалт гар урлалыг дэмжих төв” нээгдлээ

Одоохон...
Онцлох мэдээ2 мин унших

Тус төв нь гэр хорооллын иргэдийн хөдөлмөр эрхлэлтийг дэмжих, жижиг, дунд үйлдвэрлэл (ЖДҮ) эрхлэгчдийг чадавхжуулах, төрийн үйлчилгээг иргэдэд ойртуулах зорилготой юм.
Азийн хөгжлийн банк, Европын хөрөнгө оруулалтын банк болон Нийслэлийн Засаг даргын тамгын газрын (НЗДТГ) санхүүжилтээр хэрэгжиж буй “Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөр”-ийн хүрээнд энэхүү Бизнес инкубатор сургалтын төвийн барилга ашиглалтад орсон.
Улмаар 2025 оны 11 дүгээр сард “Нийслэлийн Жижиг, дунд үйлдвэр, үйлчилгээг дэмжих төв” (НЖДҮҮДТ) НӨҮГ-т хүлээлгэн өгснөөр үйл ажиллагаа нь ийнхүү жигдэрч байна.
Өдгөө тус төвд 20 гаруй ЖДҮ эрхлэгчдийг үнэ төлбөргүй ажлын байраар хангаад байгаа бөгөөд цаашид дараах үйлчилгээнүүдийг иргэдэд хүргэхээр бэлтгэл ажлаа хангажээ.
Бизнесийг дэмжих: Өрхийн бизнес эрхлэх, нэмэлт орлоготой болох хүсэлтэй 18-аас дээш насны иргэдэд зориулсан үнэ төлбөргүй сургалт, судалгаа.
Төрийн үйлчилгээ: Төрийн нэг цэгийн үйлчилгээг иргэдэд ойрхон, хүртээмжтэй хүргэх.
Нийгмийн зөвлөгөө: Сэтгэл зүйн болон хуулийн үнэ төлбөргүй зөвлөгөө, иргэдийг чадавхжуулах хөтөлбөрүүд.
Хүүхдэд ээлтэй орчин: Нийгмийн бүхий л зорилтот бүлэгт чиглэсэн цогц үйлчилгээг үзүүлнэ.
Энэ тухайд Хотын дарга Х.Нямбаатар:
Толгойт дэд төвийн хүрээнд ашиглалтад оруулсан уг төвд өнөөдөр 20 гаруй ЖДҮ эрхлэгч ямар нэг түрээс, төлбөргүйгээр ажиллаж байна. Цаашлаад гар урлаачид, ЖДҮ эрхлэгчид дэд бүтэц нь бүрэн шийдэгдсэн тухай ажлын байртай болох боломж бүрдлээ. Түүнчлэн хамгийн чухал нь Нарангийн гол орчмыг орон сууцжуулах инженерийн суурь дэд бүтцүүд эхнээсээ бий болж байгааг дуулгахад таатай байна.