#Тойрог1 мин унших
Алтай сум 30 жилийн дараа 24 цагийн цахилгаан эрчим хүчинд холбогдлоо

Одоохон...
#Тойрог1 мин унших

Өнөөдөр Говь-Алтай аймгийн Алтай сум 30 жилийн дараа анх удаа 24 цагийн баталгаат импортын цахилгаан эрчим хүчинд холбогдлоо.

Энэ бол зөвхөн нэг сумын асуудал биш, баруун бүсийн хөгжил, иргэдийн амьдралын чанарт бодит өөрчлөлт авчрах чухал шийдвэр юм.
БНХАУ-ын Шинжан Уйгарын Өөртөө Засах Орны Хами аймгийн Намын хорооны дарга Сун Таогийн урилгаар Говь-Алтай аймгийн Засаг дарга Г.Чинбатаар ахлуулсан ажлын хэсэг 2025 оны 12 дугаар сарын 23–25-ны өдрүүдэд Хами аймагт ажиллаж, Алтай сумыг импортын цахилгаан эрчим хүчинд холбох асуудлыг эцэслэн шийдвэрлэлээ.

Өнөөдөр газар дээр нь ажиллаж, Алтай сумын иргэдтэй уулзан, тулгамдаж буй асуудлуудын талаар санал солилцлоо. Цахилгааны найдвартай эх үүсвэртэй болсноор айл өрхүүдийн амьдрал, сургууль цэцэрлэг, эрүүл мэндийн үйлчилгээ, жижиг бизнес, үйлдвэрлэлийн нөхцөл бодитоор сайжирна.
Алтайчуудын олон жилийн хүлээлт ийнхүү биеллээ олж байна. Цаашид баруун бүсийн эрчим хүч, дэд бүтцийн асуудлыг үе шаттайгаар шийдвэрлэхийн төлөө тууштай ажиллах болно.
