Үйл явдал1 мин унших
"Хөдөлмөр эрхлэлтийг дэмжих үйл ажиллагаа, хөтөлбөрийн нээлтийн арга хэмжээ” зохион байгуулагдлаа

Сэтгүүлч Б.Хонгорсайхан
Одоохон...
Үйл явдал1 мин унших

Сэтгүүлч Б.Хонгорсайхан
Гэр бүл, хөдөлмөр, нийгмийн хамгааллын яамнаас 2026 оныг “Хөдөлмөр эрхлэлтийг дэмжих жил” болгон зарласантай холбогдуулан “ХӨДӨЛМӨР ЭРХЛЭЛТИЙГ ДЭМЖИХ ҮЙЛ АЖИЛЛАГАА, ХӨТӨЛБӨРИЙН НЭЭЛТИЙН АРГА ХЭМЖЭЭ” -г өнөөдөр амжилттай зохион байгууллаа.

Тус арга хэмжээнд Гэр бүл, хөдөлмөр, нийгмийн хамгааллын сайд Т.Аубакир, Хөдөлмөр, халамжийн үйлчилгээний ерөнхий газрын дарга З.Бауыржан, Аймгийн засаг дарга Е.Зангар, Хөдөлмөр, халамжийн үйлчилгээний газрын дарга А.Галия нар оролцлоо.
Арга хэмжээний хүрээнд хөдөлмөр эрхлэлтийг дэмжих талаар төрөөс баримталж буй бодлого шийдвэр, 2026 онд хөдөлмөр эрхлэлтийг дэмжих чиглэлээр хэрэгжүүлэх үйл ажиллагаа, хөтөлбөр, хөдөлмөр эрхлэлтийн дэмжих сангаас санхүүжилт авч амжилттай хөдөлмөр эрхэлж буй хувиараа хөдөлмөр эрхлэгчдийн сайн туршлага, ажил мэргэжлийн чиг баримжаа олгох зөвлөгөө өгөх, нээлттэй ажлын байрны мэдээллийг иргэдэд танилцуулах ажлууд зохион байгуулагдлаа.
Түүнчлэн ажил олгогч байгууллагууд нээлттэй ажлын байрны талаарх мэдээллээ танилцуулж, иргэдийг шууд ажлын байранд зуучлах боломжийг бүрдүүлснээрээ онцлогтой боллоо. Өнөөдрийн үйл ажиллагаанд ажилгүй, ажил олоход хүндрэлтэй иргэн, хөдөлмөр эрхлэх хүсэлтэй ахмадууд буюу нийт 400 гаруй хүн оролцлоо.
