Үйл явдал1 мин унших
Гишүүн бүрийн оролцоог хангасан ENAM 3.0 платформыг хэрэглээнд нэвтрүүллээ

Одоохон...
Үйл явдал1 мин унших

Монгол Ардын нам гишүүн бүрийн оролцоог нэмэгдүүлэх, санал хүсэлтийг шуурхай хүлээн авах, бодлого боловсруулах үйл явцыг илүү нээлттэй, хүртээмжтэй болгох зорилгоор ENAM 3.0 платформыг хэрэглээнд нэвтрүүллээ.
ENAM 3.0 нь намын гишүүд, дэмжигчид хаанаас ч холбогдон мэдээлэл авах, санал хүсэлтээ илгээх, сонирхлын бүлэгт нэгдэх, намын үйл ажиллагаанд идэвхтэй оролцох боломжийг бүрдүүлсэн шинэ үеийн ухаалаг платформ юм.
Тус платформоор дамжуулан:
AI Chat зөвлөх — намын дүрэм, мөрийн хөтөлбөр болон шаардлагатай мэдээлэлд шуурхай хариулт өгнө.
Сонирхлын бүлгүүд — гишүүдийг сонирхол, чиглэлээр нь тохирох group chat-д холбож, илүү үр дүнтэй харилцаа үүсгэнэ.

Хуулийн төсөлд санал өгөх боломж — УИХ-ын гишүүдийн санаачилсан хуулийн төслүүдэд гишүүд шууд санал өгөх боломж бүрдэнэ.
Мэдээ, мэдээлэл — nam.mn болон “Монголын үнэн” сонины мэдээллийг цаг тухайд нь авах нөхцөл бүрдэж байна.
Монгол Ардын намын дарга Н.Учрал нээлтийн үеэр нам бол удирдлага төвтэй байгууллага бус, оролцоо, итгэлцэл, хариуцлагаар тэжээгддэг амьд экосистем гэдгийг онцолж, ENAM 3.0 нь гишүүн төвтэй, ил тод, хариуцлагатай, дотоод ардчилалтай намыг төлөвшүүлэх чухал хэрэгсэл болохыг тодотголоо.
Цахим шилжилт, хиймэл оюун ухаанд суурилсан энэхүү шийдэл нь гишүүн бүрийн дуу хоолойг бодлого, шийдвэрт хүргэх, намын дотоод ардчилал, оролцоог шинэ түвшинд гаргах чухал алхам боллоо.
