Байр суурь2 мин унших
Р.Сэддорж: Уурхайн ростерын системээс болж залуу гэр бүлүүд ихээр салж байна! Энэ мэт гэр бүлийн асуудалд төрөөс онцгой анхаарах хэрэгтэй!
Сэтгүүлч Б.Хонгорсайхан
Одоохон...
Байр суурь2 мин унших
Сэтгүүлч Б.Хонгорсайхан
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн Р.Сэддорж:
Д.Үүрийнтуяа гишүүний санаачилсан энэ хуулийг дэмжиж байгаа. Монгол Улсын хүн амын өсөлт удааширч байгаа. Хэдэн жилийн өмнө манай улс 86 мянган хүүхэд шинээр төрдөг байсан бол 50 гаруй мянга болж буурсан. Олон хүүхэд гаргаж байгаа эхчүүдэд төр засгаас илүү анхаарал хандуулах хэрэгтэй. Энэ хамгийн чухал зүйл. Дэлхийд хамгийн их хүн ам нь өсөж байгаа улс бол Узбекстан. Жилд ойролцоогоор сая хүүхэд төрдөг юм байна. ҮСХ 4 сая дахь иргэнээ 2031 онд хүлээж авна гэж тооцсон бол энэ тооцоо хойшилж байна.
Тийм учраас Монгол Улсынхаа хүн ам зүйн бодлогыг дэмжсэн хуулиудыг дэмжих хэрэгтэй. Бүх юм учир холбогдолтой. Уул уурхайн ростын систем 14/14 хоногоор ажиллуулж амраадаг. Үүний сөрөг нөлөөлөл их. Учир нь гэртээ байгаа ч юм шиг үгүй ч юм шиг хүүхдүүдээсээ хол залуу насаа өнгөрөөж байна. Эрдэнэт, Багануур зэрэг томоохон уурхай дагасан хотуудыг яагаад уул уурхайн бодлогодоо авч үзэхгүй байна вэ? 50 жилийн өмнө маш зөв бодлого барьж байсан байна. Уурхайчдын ар гэрт зориулсан хөнгөн үйлдвэрүүдийг хөгжүүлж байсан нь маш зөв бодлого. Ростерын системээс болж олон гэр бүл ялангуяа залуу гэр бүлүүд ихээр салж байна.
Үүн дээр Монгол Улс бодлого барьж, тодорхой хувь нь уурхай байгаа аймаг руугаа шинэ орон сууцуудыг барьж, ипотекийн хамгийн хямд хүүтэй зээлүүдийг өгмөөр байна. Энэ мэт гэр бүлийн асуудалд төрөөс онцгой анхаарах хэрэгтэй байна. Дээрээс нь малчны хүүхдүүдийг 6,7 насанд нь дотуур байранд суухыг шаардаж, сумын төв дээр заавал танхимаар хичээллэхийг шаардаж байгаа. Ингэснээр сөрөг зүйлс их байна. Тийм учраас 12 дугаар ангийн системд шилжсэн манай улс Монгол Улсын тусгаар тогтнол, газар нутгийн бүрэн бүтэн байдлыг харж хамгаалж байгаа нүүдэлчин соёлыг нуруун дээрээ үүрч яваа малчдын хүүхдүүдэд явуулын сургууль, холимог тогтолцоо бүхий сонголтыг малчдад өгөх хэрэгтэй. Ингэснээр хүн ам зүйн бодлогыг дэмжиж байгаа томоохон ажил болно.