Үйл явдал1 мин унших
Монгол Улсын нүүрсний экспорт 2026 онд 26 хувиар өсөж, 105 сая тн хүрэх төлөвтэй байна

Эх сурвалж:
Bloomberg TV MongoliaОдоохон...
Үйл явдал1 мин унших

Эх сурвалж:
Bloomberg TV MongoliaМонгол Улсын БНХАУ-д хийх нүүрсний экспорт энэ онд 26 хувиар өсөж, 105 сая тонн хүрснээр ЗГ-ын зорилт болох 95 сая тонноос давах боломжтой гэсэн тооцооллыг Bloomberg Intelligence-ийн шинжээчид танилцуулжээ.
Өнгөрсөн сарын сүүлээр БНХАУ-ын Шаньси мужийн нүүрсний уурхайд ноцтой осол гарсны уурхайн аюулгүй байдлын хяналт шалгалт чангарч, улмаар тус улсын дотоодын нийлүүлэлт хумигдаад байгаа. Мөн Хятад улс Австралиас авах импортоо бууруулах бодлого баримталж буй нь Монголын экспорт нэмэгдэхэд нөлөөлнө гэж үзжээ.
Экспортын өсөлтөөс Монголын хувийн хэвшлийн олборлогчид, тэр дундаа Mongolian Mining Corporation хамгийн өндөр ашиг хүртэх төлөвтэйг мөн онцолжээ.
Дөрөвдүгээр сард Монгол Улсын БНХАУ-д экспортолсон нүүрсний биет хэмжээ өмнөх оны мөн үеэс 61 хувиар өссөнөөр тус улсын нүүрсний хамгийн том нийлүүлэгч Индонез улсыг сарын дүнгээр ардаа орхиж байсан юм.
Үүнээс гадна Тавантолгой ХК 2026 онд нийт 6.7 сая тонн нүүрс экспортод борлуулж, 1.8 их наяд төгрөгийн борлуулалтын орлоготой ажиллахаар төлөвлөж байгааг мэдээллээ. Монголын Хөрөнгийн биржид нийтэлсэн 2025 оны үйл ажиллагааны тайлангаас нь харахад тус компани борлуулалтын орлогын энэ оны төсөөллөө өмнөх оноос 147.5 хувиар ахиулан тогтоосон байна