Өвөрхангай аймгийн Арвайхээр хотод "Агаар мандлын дээд үе давхаргыг судлах аэрологийн төв" байгуулагдлаа.
Энэхүү төв нь агаар мандлын дээд үе давхаргын мэдээллийг тогтмол цуглуулж, боловсруулан, ашиглах нөхцөлийг бүрдүүлж, цаг агаарын урьдчилсан мэдээний чанар, нарийвчлалыг сайжруулах ач холбогдолтой юм.
Ингэснээр Монгол Улсын байгаль орчныг хамгаалах, гамшгаас урьдчилан сэргийлэх үндэсний тогтолцоог бэхжүүлэх цаашлаад дэлхийн агаар мандлын загварчлалын чанарыг сайжруулахад бодит хувь нэмэр оруулна.