Байр суурь2 мин унших
Ж.Чинбүрэн: Судлаачид "Өсвөр насанд тамхи татах нь донтолт үүсэх хамгийн том эрсдэл" гэдгийг дуу нэгтэй хэлж байна!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.06.25/-ны өдрийн хуралдаанаар Тамхины хяналтын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцлээ.
Хэлэлцэж буй асуудлын хүрээнд УИХ-ын гишүүн Д.Пүрэвдаваагийн асуултад, УИХ-ын гишүүн, Ажлын хэсгийн ахлагч Ж.Чинбүрэн дараах хариултыг өглөө.
Үнэр амтыг бүр хорих гэдэг саналаар орж ирсэн. Ажлын хэсгээс уг санал дэмжигдэж, байнгын хороо мөн адил дэмжээд орж ирсэн гэсэн үг. Утаатай ч бай утаагүй ч бай бүгд л никотин агуулж байгаа учраас бага нас буюу өсвөр насанд татах нь донтолт үүсэх хамгийн том эрсдэл юм. Энэ бол нотлогдсон зүйл. Энэ дээр ямар ч маргаан байхгүй. Тийм учраас судлаачид 1 зорилгоор, нэг саналаар хэлж буй зүйл нь аль болох өсвөр насандаа тамхи татахгүй, тамхи хэрэглэхгүй байх нь никотины хамааралд донтохоос сэргийлэх хамгийн том арга.
Тийм ч учраас уг хяналтын хуулийн зорилго нь өсвөр үеийн хүүхдүүдийг никотины хамааралтай болгохгүй байх том зорилго агуулж байгаа. Энэ зорилгын хүрээнд хяналтын том арга зам бол худалдааны байгууллагуудад ил байршуулахгүй байх гэдэг таны саналтай яг ижил утгаар орсон байгаа шүү. Иймд худалдааны байгууллагад ил тавих асуудлыг хориглосноороо маркетингийн хувьд сонирхол татах өнгө, үзэмж, үнэр, зураг дүрсээр хүүхдүүдийг уруу татах байдлыг хорихоор зорьж байна.
Хяналтын тухай хуулийн гол зорилго бол өсвөр үеийнхнийг тамхинд оруулахгүй байх. Энэ утгаараа бүх төрлийн тамхийг 5 төрлөөр нь ялгаж өгч байгаа нь бүгд никотин агуулсан тамхи мөн шүү гэдгийг зориуд хэлж өгч байгаа юм. Үүнийг бид зөвхөн гадна үзэмж, дүрс зураг, өнгө амтаас нь гадна санхүүгийн дарамттай болгож, татваруудыг нэмснээрээ хэрэглэх боломжийг хорих энэ арга нь өөрөө нотлогдсон сайн арга. Иймээс Монгол Улс энэ чиглэл рүү орохыг зорьж байгаа.