#Ажлын хэсэг1 мин унших
Б.Мөнхсоёл: Хөрөнгө оруулалт, ТӨК-ийн бүтээмж, хог хаягдлын менежментийг сайжруулах зэрэг 21 Ажлын хэсэгт орж ажиллалаа

Сэтгүүлч Б.Цэцэгсүрэн
Одоохон...
#Ажлын хэсэг1 мин унших

Сэтгүүлч Б.Цэцэгсүрэн
УИХ дахь ХҮН намын Зөвлөл 2026 оны Хаврын чуулганы хугацаанд хамтын хийж гүйцэтгэсэн ажлуудаа дүгнэж, олон нийтэд танилцууллаа.
УИХ-ын гишүүн Б.Мөнхсоёл:
ХҮН намаа төлөөлөн 21 ажлын хэсэгт ажиллалаа.
Шадар сайд Т.Доржхандын оруулж ирсэн Хөрөнгө оруулалтын тухай хуулийг онцолмоор байна. Засгийн газраас Бизнесийн эрх чөлөөний тухай хуулийг дагаж 99 хуульд нэмэлт, өөрчлөлтүүд орж байгаа. Уг хуулийг Ардчилсан намаас оруулж ирсэн Эдийн засгийн эрх чөлөөний хуультай нэгтгэн боловсруулж УИХ-аар хэлэлцэх гэж байна.
Монгол Улсад ажлын байр бий болгосноор хувь хүн болон ААН-ийн орлогын албан татвар нэмэгдэж, төсвийн орлого сайжирснаар нийгэмд тулгамдаж буй олон асуудлыг шийдвэрлэх эдийн засгийн потенциалтай болох юм. Хамгийн гол зорилго нь төрөөс учруулдаг хүнд суртал, дарамтыг үгүй болгохын төлөө гэсэн үг.
Дараагийн онцлох ажил нь Төрийн өмчит компанийн ил тод байдал, бүтээмж, засаглалын тухай хууль байв. Ажлын хэсэгт 30-аад гишүүд бий. Миний зүгээс Төрийн өмчит компани яагаад байх ёстой, зорилго нь юу юм, зүй ёсны монопол, үндэсний аюулгүй байдал гэж юу болох тодорхойлолтууд буюу 8-р зүйл дээр зарчмын зөрүүтэй санал гарган ажиллаж байна.
Мөн Хог хаягдлын менежментийг сайжруулах чиглэлд "Засгийн газарт чиглэл өгөх тухай" 13 заалттай УИХ-ын тогтоолын төсөл батлуулсан. Ирэх намраас уг тогтоолынхоо хэрэгжилтийн араас нэхэн ажиллах болно.