Эрүүл мэндийн сайдаар ажиллаж байхдаа 17 аймгийн сумдад томилолтоор ажиллаж явахдаа Энхтулгатай анх уулзаж байсан юм. Харин өнөөдөр мэргэжил, мэдлэгээ ахиулахаар дараагийн алхмаа хийж байх үед нь дахин уулзлаа.

Резидентурын шалгалтаа амжилттай өгч, хавдар судлаач, хавдрын эмчээр нарийн мэргэшихээр Хавдар судлалын үндэсний төвд дадлагажин суралцах гэж байгаагаа дуулгав. Хавдрын өвчлөл, нас баралтыг бууруулахад өөрийн хувь нэмрийг оруулах хүсэлтэй учраас энэ чиглэлийг сонгосон гэдгээ ярьсан юм.
Хавдар судлалын үндэсний төв бол өндөр түвшний оношилгоо, эмчилгээний зэрэгцээ сургалт, дадлага, эрдэм шинжилгээ, мэргэжлийн ур чадварын хөгжлийг цогцоор нь хангасан үндэсний төв. Ийм мэргэжлийн орчинд дадлагажин суралцах нь залуу эмчийн хувьд мэдлэг, ур чадвараа ахиулж, туршлагатай эмч, мэргэжилтнүүдээс суралцан өсөн хөгжих том боломж юм шүү.

Энхтулга дүүдээ эрдэм мэдлэг, ур чадвараа тэлэх аялалд нь амжилт хүсье. Эмч хүн насан туршдаа суралцдаг. Сонгосон мэргэжлээрээ улам чадваржиж, олон хүний эрүүл мэнд, амь насыг хамгаалах мэдлэг, ур чадвартай сайн эмч болоорой гэж ерөөе.

Ийм зорилготой, тэмүүлэлтэй залуу эмч, мэргэжилтнүүдээ дэмжиж, сум, орон нутагтаа чадварлаг эмч нар тогтвортой ажиллаж, амьдрах, хөгжих боломжтой нөхцөл бүхий тогтолцоог бий болгохын төлөө тууштай ажиллах болно.

Ховд аймгийн Дарви сумын Эрүүл мэндийн төвийн их эмч Л.Энхтулгатай уулзаж, цөөн хором ярилцлаа