The Mongolz Vitality-ийн эсрэг Аваргын төлөөх тоглолтыг Цэцэрлэгт хүрээлэнгээс шууд дамжууллаа

АНУ-ын Аустин хотод болж буй CS-2 Major тэмцээнд манай The Mongolz баг өнөө өглөө Бразилын Pain багтай өрсөлдөж, финалд шалгарсан. Тус тэмцээний түүхэнд аваргын төлөө шалгарсан анхны Ази баг болсон тэд маань 06.22-06.23нд шилжих шөнө 03.30 цагаас Vitality багийн эсрэг цомын төлөө өрсөлдөж дэд байрт шалгарлаа.

Уг тоглолтыг Үндэсний соёл амралтын хүрээлэнд шууд дамжуулан үзүүллээ.

Хотын дарга Х.Нямбаатар НЗДТГ-ын зүгээс цахим спортыг дэмжих, хөгжүүлэх хүрээнд Монголын И-Спортын холбоотой хамтран "Nomadic Masters" олон улсын тэмцээнийг 2 удаа зохион байгуулсан. Цаашид хамтын ажиллагаагаа өргөжүүлнэ гэдгийг энэ ташрамд дуулгая.

Үзвэрийн үеэр согтууруулах ундаа хэрэглэхгүй, бусдадаа хүндэтгэлтэй хандахыг залуустаа уриалж байв.