Сангийн сайд Б.Жавхлан өчигдөр /2025.07.30/ Засгийн газрын хуралдаанаар 2026 төсвийн төслийг боловсруулах явцын талаар мэдээлэл өглөө.
Төсвийн төсөлд төсвийн ерөнхийлөн захирагч болох аймаг, нийслэлийн Засаг дарга нар, УИХ-ын гишүүд, төрийн байгууллагуудын саналыг 7 дугаар сарын 25-ны өдрөөр тасалбар болгон авч дууслаа.
Ингэснээр төсвийн төслийг боловсруулах эхний үе шат дууссан гэсэн үг. Хоёрдугаар шатны хэлэлцүүлэгт олон нийтийн саналыг нээлттэй авна.
Төсвийн төслийг боловсруулах явц бүрт иргэдийн оролцоог хангах хуулийн заалттай Ерөнхий сайд Г. Занданшатар 2026 оны төсвийн төсөлд иргэдийн оролцоог онцгойлон хангах талаар үүрэг, чиглэл өгөв.
Сангийн яам хэлэлцүүлгийг зохион байгуулахад яам бүртээ хамтран ажиллаж, олон нийтийн саналыг авна.
⁃ 2026 оны төсвийн төслийн олон нийтийн хэлэлцүүлгийг 8 дугаар сарын 1-15-ны өдөр хүртэл цахим хэлбэрээр зохион байгуулна.
/E-Mongolia, 11-11 утас зэргээр санал авах/
- Төсвийн ерөнхийлөн захирагч, санхүү төсвийн асуудал эрхэлсэн бүх албан тушаалтнуудыг оролцуулсан танхимын хэлэлцүүлэг зохион байгуулах
- 9 дүгээр сарын 1-нд УИХ-д өргөн барина
-9 дүгээр сарын 15-нд УИХ-ын гишүүд төсвийн төсөлтэй танилцах хэлэлцүүлэг хийнэ.
⁃ 10 дугаар сарын 1-нд УИХ-ын ээлжит чуулган эхэлмэгц анхны хэлэлцүүлэг явагдана.
2026 оны төсвийн төсөлд иргэд саналаа идэвхтэй өгөхийг уриалж байна.
