#Коммент3 мин унших
С.Цэнгүүн: Хүүхдийн мөнгийг хасалгүйгээр 1.2 ИХ НАЯД төгрөгийг Улсын төсвөөс хэмнэх боломжтой!

Сэтгүүлч Б.Хонгорсайхан
Одоохон...
#Коммент3 мин унших

Сэтгүүлч Б.Хонгорсайхан
Ингэхдээ уг 1.2 их наяд төгрөгийн төсвийг хасах саналыг иргэд өөрсдийн сонгосон УИХ-ын гишүүдээс онлайнаар шаардаж, төсвийн хэлэлцүүлгийн үеэр УИХ чуулганд хасуулснаар ХҮҮХДИЙН МӨНГӨ ҮДЭЖ, УЛС ХЭРЭГГҮЙ ТӨСВӨӨ ТАНАХ-ыг УИХ-ын гишүүн С.Цэнгүүн хэллээ.
Тэрбээр, Улстөрчид, мэргэжилтнүүдийн мэддэг ч масс ард иргэдээсээ айгаад хийдэггүй, хэлдэггүй тэр зүйлсийг хэлж улстөрчийн хувьд рейтингээ алдсан ч цаад утгаараа Монгол Улсын хөгжилд хэрэгтэй байвал энэ нь зөв гэсэн итгэл үнэмшлээр ажиллахыг өөртөө амласан.
Манай баг Ч.Лодойсамбуу, Ш.Бямбасүрэн нарын гишүүд бид 2026 оны төсөв дээр тараагдсанаас хойш хянуур сууж 88 зарчмын зөрүүтэй санал бэлтгэснээс 22-г нь төсвийн гуравдугаар хэлэлцүүлэгт хэлэлцүүлэхээр цаг хугацаанд өгсөн байгаа. Эдгээр 22 саналын нийлбэр дүн 1.2 их наяд төгрөг. Үүнээс 600 тэрбум төгрөг нь сонгуулийн амлалттай холбоотой шинэ хоршоо, элдэв гоё нэртэй бизнесийн байгууллагуудад ялгавартай олгодог татаас өгөх сан хөтөлбөрүүд. Анх сонсоход гоё нэртэй ч хэзээ ч энгийн залуу бизнес эрхлэгчид тэр жилийн 3 хувийн хүүтэй мөнгө олдохгүй. Хэн нь банкнаас 20 хувиар зээл авч ажиллаад хэн нь төрийн дэмжих бодлогоор бага хүүтэй зээлд хамрагдах уу. Бүх салбарын бизнесийнхэндээ өгч чадахгүй бол энэ ялгавартай татааснуудаа болих цаг нь болсон.
Улстөрд үзэл баримтлал, эрх ашиг нь аль нэг тал дээрээ таарвал түүнийхээ төлөө хоёр талаасаа ажилладаг. Тэгвэл өнөөдөр би та бүхэнтэй хамтран ажиллахыг хүсэж байна. Өнөөдөр засгийн газар хүүхдийн мөнгийг хасаж багш нарын цалинг нэмэх гэдгийг тойруу утгаар шахна, энэ жил чадахгүй бол дараа жил явна. Тэгвэл бидний гурван гишүүдийн гаргаж байгаа 1.2 их наядын төсвийг хасах саналыг иргэд өөрсдийн сонгосон УИХ гишүүдээс онлайнаар шаардаж, төсвийн хэлэлцүүлгийн үеэр УИХ чуулганд хасуулснаар хүүхдийн мөнгө үлдэж, улс хэрэггүй төсвөө танана.
Хүүхдийн мөнгийг хасалгүйгээр 1.2 ИХ НАЯД төгрөгийг Улсын төсвөөс хэмнэх боломжтой. Үүнээс:
-Спорт заалны барилга гэх 7.9 тэрбум
Барилга байгууламжтай холбоотой төслүүдээс 17 тэрбум
-"Шинэ хоршоо" гэх 608 тэрбум
-Хүнсний хангамж, аюулгүй байдал гэх татаас 60.9 тэрбум
-Төрийн шагнал, одон, медалиас 1.8 тэрбум
-Нэг удаагийн тэтгэмж, шагнал урамшуулал гэх 11.3 тэрбум
-Эрдэм шинжилгээ, судалгааны ажил гэх 204 тэрбум
-Улсын төсөвт үйлдвэрийн газарт олгох татаас 2 тэрбум
-Хувийн хэвшлийн байгууллагад олгох татаас 56 тэрбум
-Зээлийн хүүгийн татаас 113 тэрбум
-Хүүгийн өгөөжийн зөрүү 45 тэрбум.
Өмнө жил 24 суманд соёлын төв барихад 100 тэрбум төгрөг зарцуулж байсан бол 2026 оны төсвийг олон нийтээр хэлэлцүүлсний үндсэн дээр соёлын төвд төсөв гаргахгүй байх шийдвэр олон нийтийн шахалтаар гарсан. Энэ бол чамлахааргүй том амжилт. Тэгвэл энэ жил та бүхэнтэйгээ хамт 1.2 их наяд төгрөг хүүхдийн мөнгөнд хүрэлгүйгээр хасах боломж байна.
УИХ гишүүний хувьд саналаа тодорхой гаргасан, иргэдийн дэмжлэг, сэтгүүлчдийн тусламжтайгаар олон нийтэд зөв мэдээлэл хүргэж дараагийн долоо хоногийн чуулганд үр дүнд хүрцгээе…
