Үйл явдал3 мин унших
Хотын төвд ашиглалтын шаардлага хангаагүй, насжилт өндөр 376 барилга байна

Эх сурвалж:
News.mnОдоохон...
Үйл явдал3 мин унших

Эх сурвалж:
News.mnТухайлбал, Бага тойруу, Их тойруу орчим нь Улаанбаатар хотын түүх соёл, архитектурын үнэт өвийг хадгалсан бүсийн нэг юм. Гэвч энэхүү бүсэд ашиглалтын шаардлага хангаагүй, насжилт өндөр 376 барилга байна гэж мэргэжлийн байгууллага тогтоосон. Үүний 40-50 барилга нь иргэдийн амьдрах орчин, аюулгүй байдал, чанарын шаардлага хангахгүй байгаа учраас дахин төлөвлөлтөд оруулж эхэлжээ. Мөн төвийн зургаан дүүрэгт ашиглалтын шаардлага хангахгүй орон сууц их бий. Уг асуудлыг Нийслэлийн Засаг даргын зөвлөлийн 2025 оны наймдугаар сарын 20-ний өдрийн хурлаар шийдэж нийслэлийн Сүхбаатар дүүргийн найман хороо, Чингэлтэй дүүргийн зургаан хороо Бага тойрог болон бусад дүүрэгт дахин төлөвлөлтийн ажил эхэлсэн байдаг.
Тодруулбал, Нийслэлийн Засаг даргын захирамжаар 80 барилга шилжиж ирсэн. Тухайлбал, төвийн зургаан дүүргийн 80 орон сууцыг дахин төлөвлөлтөд оруулж байна. Үүнд дээр сонгон шалгаруулалт зарлаж 14 төсөл хэрэгжүүлэгч компани шалгарч үе шаттайгаар ажлууд хэрэгжиж байгаа. Эхний байдлаар 14 төслөөс гурван төсөл нь барилга угсралтын ажил эхэлсэн бөгөөд нийслэлийн Сонгинохайрхан дүүрэгт байрлах 16 давхар барилгын цутгалтын ажил бүрэн хийгдэж дууссан. Мөн нийслэлийн Баянгол дүүрэгт дахин төлөвлөлтийн хүрээнд нэг орон сууцны суурийн ажил эхэлсэн. Мөн Сүхбаатар дүүрэгт орон сууцны хөрс хуулах ажил үргэлжилж байна. Үндсэндээ, 2025 оноос эхэлсэн 14 төсөл хөтөлбөрт 2500 орчим айл өрхийг орон сууцжуулна гэсэн үг. Энэ жил зарлагдсан 14 төсөл хөтөлбөрийн сонгон шалгаруулалт энэ оны найм, есдүгээр сард зарласан учраас орон сууцжуулах ажил өөрөө 24 сарын хугацаатай байдаг. Тиймээс 2026 онд орон сууц ашиглалтад орох боломжгүй харин ирэх 2027 онд ашиглалтад орж айл өрхүүдийг хүлээн авна.
Нийслэлийн Сонгинохайрхан дүүрэгт баригдаж буй 16 давхар орон сууцыг 2026 оны II улиралд ашиглалтад оруулахаар төлөвлөсөн.
Үүнээс гадна хуучны ашиглах боломжгүй орон сууцыг дахин төлөвлөлтөд оруулах хэрэгцээ өмчлөгч айл өрхүүдийг тухайн гүйцэтгэгч байгууллагаас 24 сарын түрээсийн төлбөрийг хоёр болон гурван талт гэрээний хүрээнд үе шаттайгаар олгож байгаа.
Мөн зарим тохиолдолд гүйцэтгэгч байгууллага ашиглалтад орсон орон сууцаар солих, бартер хийх замаар хийж байгаа юм. Нийслэлийн орон сууц, бодлогын хэрэгжүүлэгч агентлагаас нийслэлийн хэмжээнд нэгдсэн мэдээлэл болон холбогдох ажлын явцын тайланг авах боломжтой аж.
Тус компанид шилжин ирсэн энэхүү 80 орон сууц нь ашиглах боломжгүй, газар хөдлөлтөд тэсвэргүй гэх дүгнэлтийг мэргэжлийн хяналтын газар 2014-2019 онд гарсан байдаг.
Улмаар энэхүү мэргэжлийн хяналтын дүгнэлтийг үндэслэн нийслэлийн Засаг даргын захирамжаар ашиглахыг хориглосон захирамж гаргасан. Иймд холбогдох зарчмын дагуу эрсдэлтэй ангилалд орсон учраас дахин төлөвлөлтөд оруулжээ.
Уг төсөл хэрэгжсэнээр 2500 орчим өрхийн яндан бууж, иргэд тав тухтай орчинд амьдрах нөхцөл бүрдэнэ гэдгийг төсөл гүйцэтгэгч тал онцолж байв. Түүнчлэн, өнгөрөгч 2015 оноос өмнө хот суурин газрыг дахин хөгжүүлэх гурван талт гэрээ байгуулаагүй үед оршин суугчид хохирох тохиолдол гарч байсан. Энэхүү байдал одоо өөрчлөгдсөн гэдгийг холбогдох албаныхан хэллээ. Гагцхүү нийслэлийн төвийн зургаан дүүрэгт дахин төлөвлөлт хийхээр зураг төсөл, байршил батлагдсан ч хуучин орон сууцууд дэд бүтцийн төлөвлөлт муу гэх шалтгаанаар тендер удаа дараа зарлагдсан ч өдийг хүртэл эцэслэн шийдэгдээгүй хэд хэдэн орон сууц нийслэлийн хэмжээнд байгаа ажээ.