Үйл явдал2 мин унших
3933 нэгж талбар чөлөөлснөөр нийт 11.575 айлын орон сууц барих боломж бүрдэв

Одоохон...
Үйл явдал2 мин унших

Мөн өнөөдрийн байдлаар 3933 нэгж талбар чөлөөлөөд байгаа юм.
Эдгээрээс инженерийн дэд бүтцийн хүрээнд 1021 нэгж талбар, хэсэгчилсэн ерөнхий төлөвлөлтийн хүрээнд 2332 нэгж талбар, нийгмийн дэд бүтцийн ажлын хүрээнд 580 нэгж талбар чөлөөлжээ. Газар чөлөөлөлт үргэлжилж байна.
Газар чөлөөлснөөр
• 28 байршилд 60.3 км авто зам;
• 13 байршилд 7.3 км урттай инженерийн шугам сүлжээ,
• Дулааны гурван станц;
• 5 байршилд 9.21 км үерийн хамгаалалтын далан;
• 14 байршилд 1050 хүүхдийн цэцэрлэг, 5760 хүүхдийн сургууль,
• 21 байршилд нийгмийн зайлшгүй хэрэгцээний бусад барилга байгууламж;
• 17 сургуулийн орчимд 800 автомашины зогсоол;
• 11575 айлын орон сууц барих нөхцөл бүрдсэн юм.
Хотын дарга Х.Нямбаатар:
Энэ жил хотын хэмжээнд 3000 айлын газар чөлөөлсөн. Ирэх жилүүдэд ч газар чөлөөлөх ажил үргэлжилнэ. Хот энэ жил газар чөлөөлөлтийн сантай болсон. Энэ сан ирэх жилээс санхүүгийн хувьд бэхжээд явна. Мөн цахилгаан, дулаан хангамжийг нэмэгдүүлэх чиглэлд 30 гаруй жил ярьсан ДЦС-5 төслийг эхлүүлсэн.
Түүнчлэн Дэнжийн мянгад 93 МВт хийн дулааны станц, “Хан хилсс” орчимд 112 МВт хийн дулааны станц, Морингийн даваанд баригдах хог шатааж, 35 МВт эрчим хүч үйлдвэрлэх төсөл, Амгалангийн дулааны цахилгаан станцын өргөтгөл зэрэг олон төсөл хөтөлбөрүүдийг хэрэгжүүлэхээр бэлтгэл ажлаа хангаад явж байна.
Бид агаар, орчны бохирдлоосоо ангижрах, айл өрхүүдийг тухтай орон сууцанд оруулахын тулд цахилгаан, дулааны асуудлаа эхлээд шийдэх ёстой. Үүний урьтал болгож эдгээр төслүүдийг хэрэгжүүлнэ. Орон сууцжуулах ажлын эхлэл болгож “Сэлбэ 20 минутын хот” төслийн хүрээнд 3, 4-р хорооллоос том орон сууцны төслийг эхлүүлсэн.
Ирэх жилүүдэд хийгдэх газар чөлөөлөлтийн тухайд Чингэлтэй дүүрэгт 5, 6 буудал орчимд, Дэнжийн 1000 орчимд, Сүхбаатар дүүрэгт Дамбадаржаа орчимд, Сонгинохайрхан дүүрэгт Ханын материал, материал, дүүрэг орчимд, Баянзүрх дүүрэгт Цайз 16 орчимд газар чөлөөлөлтийн ажлууд хийнэ.