Улсын Их Хурлын Эдийн засгийн байнгын хорооны өчигдрийн (2025.12.16) хуралдаанаар Монголбанкны Ерөнхийлөгчийн албан тушаалд нэр дэвшигчийн сонсголын тайланг хэлэлцэв.

Нэр дэвшигч С.Наранцогтод хандан Сангийн сайд Б.Жавхлан үг дайв.

Нэр дэвшигч С.Наранцогтыг дэмжиж байгаа. Сангийн бодлого мөнгөний бодлого нийцтэй ажиллах ямар чухал, үнэ цэнтэй болохыг өнгөрсөн жилүүд харуулсан. Энэ нөхцөл байдалд хамгийн тохирох нэр дэвшигч гэж харж байна. Эдийн засаг, төсөв санхүүгийн гол яамдаар Төрийн нарийн бичиг, Дэд сайдын албыг хашлаа.

Монгол орныг сүүлийн 50 жил авч явж буй Эрдэнэс Монгол уул, уурхайн аж ахуйг хөдөлгөлөө. Баялгийн сан дээр менежмент хийх нарийн мэдрэмжүүдийг авсан байх гэж итгэж байна.

Ипотекийн зээлийг анхааралдаа аваарай. Та их зөв хэллээ. Хамгийн чухал нь зорилтот бүлэг рүүгээ л чиглэх ёстой. Эс тэгвээс боломжтой хүмүүс нь гүйж орж ирээд, зорилтот хэсгээсээ боломжийг нь булааж авчихаад байгаа. Тиймээс үүнийг улам нарийсгаарай!

Гадна талд тодорхойгүй байдал үргэлжлэх төлөвтэй байна. Нэлээн том сорилт өөрийг тань тосож байгаа. Санхүүгийн тогтвортой байдлын зөвлөлийн гишүүн болоод ажиллаад явах учиртай.

Б.Жавхлан: Ипотекийн зээлийг зорилтот бүлэг рүү чиглүүлж, зохицуулалтыг нь нарийсгах шаардлагатай