Тус чуулган энэ цаг үед зохион байгуулагдаж байна. Орон нутгийн хөгжүүлэхэд эрчим хүч, дэд бүтэц, хариуцлагатай уул уурхайг бодлогоор дэмжих нь туйлын чухал. Тиймдээ ч дээрх чуулганаар уг асуудлыг онцолж хөндөж байгааг хараад дотроо ихэд олзуурав.

Хэдийгээр орон нутгийн хөгжлийг уул уурхайн салбар дахь хөрөнгө оруулалт түүчээлдэг, томоохон байр суурь эзэлдэг нь үнэн ч гэлээ үүний зэрэгцээ аймгийн хөгжлийг илүү тэнцвэртэй, урт хугацаанд тогтвортой байлгахын тулд аялал жуулчлалын салбарыг тэргүүлэх чиглэл болгон хөгжүүлэх асуудлыг онцлон анхаарах шаардлагатай юм.

Говь-Алтай аймаг зөв бодлого, оновчтой хөрөнгө оруулалтын шийдлээр Монголын баруун бүсийн аялал жуулчлалын шинэ төв болох бүрэн боломжтой.
Бид энэ боломжийг өнөөдрөөс эхлэн хамтдаа бодит ажил болгох ёстой.
Энэ хүрээнд дараах чиглэлд бодит алхам хийхийг санал болгож байна.
• Хил орчмын аялал жуулчлалын тусгай бүс байгуулах
Хөрш орнуудтай ойр байршлаа ашиглан хил дамнасан аяллын бүтээгдэхүүн хөгжүүлэх.
• Зам, дэд бүтцийг аялал жуулчлалтай уялдуулан хөгжүүлэх.
Ялангуяа Алтай–Улиастай чиглэлийн авто замыг эдийн засгийн эргэлтэд оруулах.
• Хувийн хэвшилд ээлтэй орчныг бүрдүүлэх.
Газрын зөвшөөрөл, татварын бодлогыг уян хатан болгож, хөрөнгө оруулалтыг татах.
• Ногоон эрчим хүчийг аялал жуулчлалтай хослуулах.

Нарны эрчим хүчээр ажиллах кемп, жуулчны баазуудыг хөгжүүлж, байгальд ээлтэй шийдлийг нэвтрүүлэх. Ингэснээр бид уул уурхайгаас хэт хамааралгүй, олон тулгуурт эдийн засгийг бий болгож, орон нутгийн иргэдийн орлого, амьжиргааг бодитоор дээшлүүлэх боломж бүрдэнэ.

Говь-Алтай аймгийн "Хөрөнгө оруулалт, түншлэлийн чуулган болж байна