Байр суурь2 мин унших
Х.Ганхуяг: ЗГ 1,7 их наядын төсвийн алдагдлыг цалингийн нэмэлтээр л бий болгосон!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.05.14/-ний өдрийн нэгдсэн чуулганаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөлтэй хамт өргөн мэдүүлсэн хуулийн төслүүдийг хэлэлцлээ.
Хэлэлцэж буй асуудалтай холбогдуулан УИХ-ын гишүүн Х.Ганхуяг дараах байр сууриа илэрхийллээ.
Төсөв дагасан хуулиудаас тодотгол хийх нэмэлт өөрчлөлтийг дэмжиж байна. За өнгөрсөн жилийн төсөв ахалж ажилласан хүний хувиар 6 сарын өмнө баталсан хуулийг өөрчлөх асуудлыг дэмжихгүй. НӨАТ-ын буцаалт нь бүртгэлийг сайжруулдаг юм. Татварын хуулиар өрхийн орлого, ЖДҮ-лэлийг дэмжих бодлогыг хэрэгжүүлэх гэж байгаа. НӨАТ-ын шаталсан буцаалтыг хэрэгжүүлнэ. Харин төсөвт томоохон нөлөөлөл үзүүлэхээр хэд хэдэн асуудалд огт анхаарал хандуулахгүй байна. Цалингийн асуудлыг Их хурал ярьдгаа болимоор байна. Тэр сургууль нь, цэцэрлэг нь, эмнэлэг нь өөрсдөө цалингаа шийддэг болмоор байна.
Намраас энэ асуудал дахин орж ирнэ. Та нар төсвийн хуулийг л зөрччихсөн шүү дээ. Зөвхөн багш нарын цалин нэмнэ гэж эхлээд бүгдийг нь нэмчихсэн. Эрүүл мэндийн салбарын 30%-ийг 50 болгосон. Үндсэндээ 1,7 их наядын төсвийн алдагдлыг цалингийн нэмэлтээр л бий болгочихсон. Иймд цалингийн асуудлыг хаврын чуулганд багтаагаад төсвийн бүрдэх хэсгээс гаргамаар байна. Тэгээд сургуульд нь, цэцэрлэгт нь, эмнэлэгт нь шийдэх эрхийг нь өгмөөр байна. Захирал хэдээр цалинжуулахыг өөрөө шийдэг.
Мөн мега төслүүдээ эрэмбэлээд, явуулах эсэхээ шийдэхгүй бол Татварын багц хуулиар хувь хүний орлогын хэмжээгээр нь татварыг бууруулна гэхээр орон нутгаас хэрэгжүүлж байгаа олон төслүүд бүгд том том ухсан нүх болоод дуусна. Үүнд анхаарал хандуулахыг хүсье!
Зурагт асаасан ч, утас асаасан ч тэр, байнгын хороодоор яригдсан 2 асуудал тутмын нэг нь хулгайн асуудал байна. Үүнд цэг тавимаар байна. Их хурлын дарга аа, хууль хяналтын байгууллагын дарга нарыг нь томилоод явуулсан, одоо тэднээс мэдээлэл авмаар байна. Үнэхээрийн хулгай байгаа эсэхийг мэдмээр байна.