Байр суурь2 мин унших
Ж.Бат-Эрдэнэ: ХАА-н салбарт бодлого хэрэгжүүлэхийн тулд босоо удирдлагын тогтолцоог бий болгох шаардлагатай
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.06.05/-ны өдрийн хуралдаанаар Хөдөө аж ахуйн тухай хуулийн төсөл болон хамт өргөн мэдүүлсэн хуулийн төслүүд хэлэлцлээ.
Хэлэлцэж буй асуудалтай холбогдуулан УИХ-ын гишүүн Ч.Ундрамын асуултад УИХ-ын гишүүн Ж.Бат-Эрдэнэ хариуллаа.
"Хүнсний хувьсгал" хөдөлгөөн үр дүнгээ өгсөн талаар ААН-ийн төлөөлөл ярьж байна. Үүн дээр алдсан зүйл нь хүртээмжийг дээшлүүлэх талаар байв. ААН-үүдийг шинээр бий болгож байж хөл дээрээ босно. Дундаж давхарга бий болно. ААН-үүддээ туслаад дэмжээд явчихсанаас биш шинэ ААН-үүд бий болгох асуудал орхигдсон. Би энэ хууль дээр босоо удирдлага оруулж ирэх гээд байсан юм аа.
Үр дүнтэй бодлогууд цаасан дээр үлдчихээд байгаа юм. Энийг хэн хэрэгжүүлж байна гэх гэхээр ХАА руу анхаарал хандуулдаг Засаг дарга. Иргэдийн Хурал орон нутгийнхаа проблемыг шийдэхдээ илүү анхаардаг. Бодлого нэгдмэл байна, улсын хэмжээнд хэрэгжүүлнэ гээд ХАА-н сайдад хариуцлага өлгөөд улирал тутамд төлөвлөөд явах асуудал шүү дээ.
Төлөвлөлтийг орон нутагт хийхгүй. Тиймээс босоо удирдлагын хэмжээнд бодлого хүрдэг болох шаардлагатай. Бид бодлогоо хэрэгжүүлэх тал дээр алддаг. Үүнийг засахын тулд босоо тогтолцоо оруулж ирэх байгаа юм. Тариалалтын хувьд зоорины асуудал их чухал. Бид зоориор хангачхаж чадахгүй л яваад байгаа. ХААИС болоод бусад мэргэжлийн ноу хау гаргадаг шинжлэх ухааны байгууллагуудыг татаж оруулъя. Нэг хэсэг нь Боловсролын яам руу, нөгөө хэсэг нь шинжлэх ухааныхаа байгууллага руу оччихоод үр дүнгүй байгаа юм.