Үйл явдал2 мин унших
УИХ-ЫН гишүүн, СДМЭХ-ны Ерөнхийлөгч Д.Үүрийнтуяа “Алтай дамнасан тогтвортой байдлын яриа хэлэлцээ–2026” олон улсын чуулганд илтгэл тавилаа

Одоохон...
Үйл явдал2 мин унших

Монгол Улсын Их Хурлын Тамгын газар, Бан Ги Мүний нэрэмжит “Сайхан ирээдүйн төлөө” сан, Стэнфордын их сургуулийн Ази, Номхон далайн судлалын төвөөс хамтран зохион байгуулдаг “Алтай дамнасан тогтвортой байдлын яриа хэлэлцээ–2026” олон улсын чуулган Монгол Улсад дөрөв дэх удаагаа амжилттай зохион байгуулагдлаа.
Энэ удаагийн чуулган “ТХЗ-17: Хөгжлийн төлөөх түншлэлийг бэхжүүлэх нь” сэдвийн хүрээнд болж, НҮБ-ын найм дахь Ерөнхий нарийн бичгийн дарга Бан Ги Мүн, Стэнфордын их сургуулийн Ази, Номхон далайн судлалын төвийн захирал, профессор Киёотэру Цуцуй болон олон улсын нэр хүндтэй эрдэмтэн, судлаачид оролцлоо.
Чуулганд Монгол Улсын Их Хурлын гишүүн, Социал Демократ Монголын Эмэгтэйчүүдийн Холбооны Ерөнхийлөгч Доржсүрэнгийн Үүрийнтуяа оролцож, “Эмэгтэйчүүдийн манлайлал ба чадавхжуулалт” сэдвээр илтгэл тавив.
Тэрбээр илтгэлдээ эмэгтэйчүүдийн манлайлал нь зөвхөн хувь хүний ур чадварын асуудал бус, улс төр, эдийн засаг, нийгмийн дэмжих орчин, институцийн тогтолцоотой салшгүй холбоотой хөгжлийн бодлогын асуудал болохыг онцлон тэмдэглэлээ.
-Мөн эмэгтэйчүүдийн оролцоог бодит нөлөөлөл болгон төлөвшүүлэхийн тулд:
- Тэгш боломжийг бүрдүүлсэн бодлого хэрэгжүүлэх
- Институцийн шинэчлэлийг эрчимжүүлэх
- Олон улсын сайн туршлагыг нутагшуулах
- Урт хугацааны, тогтвортой түншлэлийг бэхжүүлэх шаардлагатайг онцлов.
- Энэхүү олон улсын чуулган нь тогтвортой хөгжил, бүс нутгийн хамтын ажиллагаа, хөгжлийн төлөөх түншлэлийг өргөжүүлэх чиглэлээр төр, академик хүрээлэл, олон улсын байгууллагуудын хамтын ажиллагааг гүнзгийрүүлж, бодлого–судалгаа–практикийн уялдаа холбоог бэхжүүлэх чухал талбар боллоо.
СДМЭХ нь эмэгтэйчүүдийн манлайлал, оролцоо, чадавхжуулалтыг үндэсний болон олон улсын түвшинд дэмжих, хөгжлийн бодлогод эмэгтэйчүүдийн дуу хоолойг бодитой хүргэх чиглэлээр идэвхтэй ажилласаар байна.