#Шилэн хууль3 мин унших
Төсвийн хөрөнгийг хууль бусаар, хяналтгүй зарцуулдаг байдлыг зогсооно

Сэтгүүлч Tsolmon
Одоохон...
#Шилэн хууль3 мин унших

Сэтгүүлч Tsolmon
УИХ-ын гишүүн Н.Учралын санаачлан өргөн мэдүүлсэн уг хууль батлагдсанаар татвар төлөгчдийн төсөвт хуримтлуулсан мөнгийг ямар ч норм, нормативгүйгээр зарцуулдаг байдал цэгцрэх юм.
Жишээ дурдахад СХД-т 645 хүүхдийн суудалтай сургууль 5.5 тэрбм төгрөгний хөрөнгө оруулалттай байхад өөр газар яг ижилхэн суудалтай сургууль 3 тэрбумын хөрөнгө оруулалттай байдаг. Ингээд хөрөнгө оруулалтын ажил хийх гэхээр Сангийн яам, БСШУСЯ дээр төсөв зөрснөөс болж барилгын ажил ганцаанд ордог байна.
Тиймээс хуулийн төслийн 1-р зүйлийн 24.6-дахь хэсгийг “Төсөв захирагчийн үйл ажиллагаа, хэрэгжүүлэх хөтөлбөр, төсөл, арга хэмжээний урсгал болон хөрөнгийн зардлыг төлөвлөх, гүйцэтгэлийн хяналт хийхдээ холбогдох норм, норматив, батлагдсан стандарт, зураг төсвийг үндэслэнэ” гэж өөрчилжээ.
Мөн 2-р зүйлийн 24.1 дэх хэсгийг “Төсвийн зарлага нь урсгал болон хөрөнгийн зардал, эргэн төлөгдөх төлбөрийг хассан цэвэр зээлийн нийлбэрээс бүрдэнэ” хэмээн өөрчлөн найруулсан юм.
Тодруулбал, улсын хэмээнд батлагдах бүх төрлийн зардлыг тодорхой норм, норматив, батлагдсан стандартын дагуу гаргасан зураг төсөв дээр үндэслэж хөрөнгө оруулалтыг нь батлах юм.
Харин хууль батлагдсантай холбогдуулан Засгийн газраас норм, норматив дээр тодорхой журмуудыг батлах ёстой. Сангийн яам бусад яамтай хамтарч төсвөөс санхүүжиж байгаа байгууллага бүр дээр стандарт гаргах шаардлага гарна. Харин бүс бүсээс хамаарч барилгын ажил өөр өөр төсөвтэй гардаг учир бүсчилсэн хэлбэрээр, захын дүүргүүдэд ялгамжтай стандарт гаргах юм.
УИХ-ын гишүүн, Ажлын хэсгийн ахлагч Ч.Улаан
УИХ-ын гишүүн Н.Амарзаяа
УИХ-ын гишүүн Ц.Гарамжав
УИХ-ын гишүүн Ж.Мөнхбат
Олонхи гишүүдийн дэмжлэгийг авсан энэхүү хууль батлагдсанаар төсвийн зарцуулалтыг жигдлэхээс гадна данхар бүтэцтэй төрийн албыг ч цэгцлэх юм. Жишээлбэл, байгууллагын үйлчлэгч гэхэд хэдэн мкв талбай цэвэрлэх вэ гэдгээс шалтгаалаад тухайн байгууллагад хэдэн үйлчлэгч хэрэгтэй вэ гэдэг нь стандартын дагуу бий болох ёстой.
Төсвийн тухай хуулийн нэмэлт өөрчлөлтийн тухай хуулийн төсөл санаачлагч УИХ-ын гишүүн Н.Учрал