УИХ-ын чуулганы /2025.09.18/-ны өдрийн хуралдаанаар Монгол Улсын 2026 оны төсвийн тухай хуульд өөрчлөлт оруулах тухай хуулийн төслийг хэлэлцлээ.
Хэлэлцэж буй асуудалтай холбоотой гишүүд асуулт асууж, үг хэллээ.
УИХ-ын гишүүн Д.Рэгдэл:
Төсвийн хүрээ хэлэлцээд явж байхад санал хэлсэн гишүүдийн ихэнх алдагдалтай төсөв оруулж ирсэн гэж нэлээн шүүмжлэнгүй хандаж байгаа. Миний хувьд тэгж харахгүй байна. Гадаад ертөнцийн мэдээллийг хараад байхад ЗГ улс орноо хөгжүүлэх, бодлого зорилгоо хэрэгжүүлэхийн тулд ямар төсөв оруулж ирэх вэ гэдгээ сонгож шийддэг эрхтэй байх ёстой. Тэр ч утгаараа 1,3 их наядын алдагдалтай төсвийг сонгож оруулж ирж байгаад л энэ хөгжлийн бодлоготойгоо холбоотой болов уу гэж бодож байна. Өчигдөр нэлээн үндэслэлтэй тайлбарууд ЗГ-аас хийж байсан. 2026 оныхоо төсвийг Төсвийн хүрээтэйгээ холиод хэлэлцээд явчихаар таагүй мэдрэмж төрж байгаагаа хэлье.
Нэг,төсвийн хуулийг тодорхой агентлагууд дээр очоод зөрччихдөг, төслүүд батлагдсан хуулийн заалтыг өөрчилчихдөг ийм явдал гараад байна. Энэ жилийн төсөвт зураг төсөв нь магадлан хийгдээгүй хэчнээн объект орж ирсэн бэ. Үүн дээр нийтдээ хэчнээн төгрөгийн төсөв тавигдсан бэ. 2026 онд хэдийг нь санхүүжүүлэх юм. Зарим объект дээр 7 дахин нэмэгдчихээд л объект нь ашиглалтад ороогүй яваад байгаа юм. Олон барилга бариад, барьсан барилгуудын ашиглалтыг нэлээн сайн үзмээр байгаа юм. Энэ төсөв дээр Соёлын төв гээд сумдад 24 объект орж иржээ. Энэ яаж ашиглагддаг юм бол?