#Коммент2 мин унших
А.Ариунзаяа: Төрийн албан хаагчдын нэг удаагийн тэтгэмжийг хоёр хувааж он дамжуулж өгөхийн эсрэг байгаа, 178 тэрбум төгрөгийн шийдэх ёстой

Сэтгүүлч Ц.Соёлмаа
Одоохон...
#Коммент2 мин унших

Сэтгүүлч Ц.Соёлмаа
Тухайлбал, төрийн албан хаагчид өндөр насны тэтгэвэрт гарахдаа төрд хэдэн жил ажилласнаас хамаарч нэг удаагийн тэтгэмж авдаг. Энэ тэтгэмжийн хэмжээний дээд тал нь 36 сарын үндсэн цалингийн дунджаас хэтрэхгүй байхаар хуульд заасан байдаг. Цалин багатай, өндөр ачаалалтай ажилладаг төрийн албан хаагчдын ажил дээрээ тогтож буй нэг хөшүүрэг нь болох энэ тэтгэмжийг ирэх оны төсөвт он дамжин хоёр хувааж өгөхөөр оруулж ирсэн.
Энэ талаар УИХ-ын гишүүн А.Ариунзаяа дараах байр суурийг илэрхийлж байгаа.
Тэрээр, 2026 төсөвт энэ тэтгэмжийн 50%-ийг нь 2026 онд, үлдсэн 50%-ийн эх үүсвэрийг 2027 онд шилжүүлнэ гэсэн ийм санал оруулж ирсэн. Энэ нь Төрийн албаны тухай хуулийн 9.2 заалтыг зөрчиж байгаа юм. Мөн Төсвийн тухай хууль дээр өр авлага үүсгэсэн албан тушаалтанд хуулийн хариуцлага хүлээлгэнэ гэдэг заалт шинээр орж ирсэн. Иймд хуулиар хүлээсэн үүргээ хэн ч бай биелүүлэх хэрэгтэй. Түүнчлэн Тэтгэврийн хуулийн 27.1-д жил бүр инфляцын түвшинтэй уялдуулан тэтгэврийг нэмэгдүүлнэ гэж оруулж өгснөөрөө, 2026 оны төсөвт 6%-аар нэмэгдүүлэх төсвийн төслийг оруулж ирсэн. Гэтэл өмнөх оны инфляцын түвшин 6% биш байсан. Тэгэхээр энэ бас л хуулийн заалтаа зөрчиж байгаа юм.
Өнгөрсөн хугацаанд Засгийн газар төсвөө эргүүлэн татаад засаад оруулж ирэх боломж байсан. Одоо төсөв хэлэлцэх хугацаа цаг хугацаанд нэлээд шахагдсан учраас оруулж ирсэн төсвийнх нь хязгаар дотор урсгал зардал, орлого, зарлагыг нь хөдөлгөхгүйгээр дотор нь зохион байгуулалт хийх хугацаа үлдлээ. Энэ бүгдийг тайлбарлаж, хууль зөрчлөө гэж хэлэхээр чи хууль тайлбарлахгүй гээд байдаг учраас ТББХ-н дээр зарчмын зөрүүтэй санал гаргаад, ТББХ-ны шийдвэрээр хууль зүйн дүгнэлт гаргуулсан.
УИХ-ын Тамгын газраас Хууль зүйн хуулийн хэлтсээс Төрийн албаны хуулийн 9.2 дугаар заалтыг зөрчсөн байна гэсэн дүгнэлт гаргаад ТББХ-н дээр ирсэн. ТББХ-н дээр урсгал зардлаас 178 тэрбум төгрөгийг яамнуудаас адил хувиар бууруулж төрийн албан хаагчдын 36 сар хүртэлх тэтгэмжийг бүрэн дүүрэн тавих хэрэгтэй гэдэг санал гаргаад дэмжигдсэн. Хэрвээ бусад эх үүсвэрүүдээс энэ тэтгэмжийг гаргах боломж үүсвэл би өөрийнхөө саналаа татаад авахад бэлэн. Энэ саналаа ТБХ-ны дарга Х.Ганхуягт илэрхийлсэн. Төрийн албан хаагчдын нэг удаагийн тэтгэмжийг он дамжуулахгүй өгөх ёстой.
