Байр суурь2 мин унших
А.Ариунзаяа: "Сэлбэ дэд төв" дээр бонд босгох зөвшөөрлийг нь бид өгчихсөн шүү дээ!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.05.08/-ны өдрийн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийг хэлэлцлээ.
Хэлэлцэж буй асуудалтай холбогдуулан гишүүд байр сууриа илэрхийллээ.
УИХ-ын гишүүн А.Ариунзаяа:
Гадаад зээллэгийн ашиглалтын хууль эцэслэн батлах шатан дээрээ уналаа. Төсвийн хүрээний мэдэгдлийг энэ хэлбэрээр нь хэлэлцэх нь утгагүй. 2024 оны намар 2025 оны төсвийн тухай хуулийг эцсийн хэлэлцүүлгийн шатад самарсан, улс төржсөн, алдагдалгүй төсөв байх ёстой гэсэн гишүүд өнөөдрийн хуулийг унагах санал өглөө. Авсан зээлүүдээ яаж ашиглах гээд байна вэ?
Бодлого эсэргүүцчихээд, шийдэл оруулж ирэхгүй юм. Төсвийн тогтвортой байдлын зөвлөл улсын хөгжлийн тогтворгүй байдлыг бий болгоод байгаа хэрэг үү? Газрын тосны үйлдвэр дээр ажиллаж байгаа хүмүүсийн цалинг нь өгч чадахгүй нөхцөл байдалд хүрээд байна. Сэлбэ дэд төв дээр бонд босгох зөвшөөрлийг нь өгчихсөн шүү дээ. Бондоо босгочихсон. Өдөр болгон авсан зээлийнхээ төлбөрийг төлж байгаа. Зээлийн хүү нэмэгдэж байна.
Ерөнхий сайд аа, Төсвийн зарлагын тэнцлийн хувь хэмжээг нь өөрчлөх талаар санаачилга гарга аа! Сангийн сайд аа, гадаад зээлүүдээ яаж ашиглахад анхаар аа.
Төсвийн тэнцэл нь тухайн төсвийн жилийн ДНБ-ий 2%-аас илүүгүй алдагдал, эсвэл ашиглалтай байх хязгаарыг таазыг тогтоосон. Улмаар урсгал зардлаа багтааж чадахгүй, адаг сүүлдээ төрийн албан хаагчид дээрээ асуудлаа нааж үлдээсэн.
Төрийн албан хаагчдын тэтгэврээ тогтоолгох насанд нь нэг удаа олгодог 36 сарын тэтгэмжийг бууруулах оролдлого оруулж ирсэн. хэвээр нь үлдээсэн. Ингээд төсвийн 50%-ийг нь л баталсан. Хязгаартаа багтахгүй байгаа учраас тэр. Тэгэхээр яаж цалин, тэтгэврээ нэмэх вэ?
Түүний асуултад Ерөнхий сайд Н.Учрал, Эдийн засаг, хөгжлийн сайд Ж.Энхбаяр нар хариуллаа.