Үйл явдал2 мин унших
Үндэсний үнэт зүйл, гэр бүл дэх оролцоо, нийгмийн үүрэг хариуцлагын талаар "Монгол эр хүн" чуулган нээлттэй хэлэлцлээ

Эх сурвалж:
Гэр бүл, хөдөлмөр, нийгмийн хамгааллын яамОдоохон...
Үйл явдал2 мин унших

Эх сурвалж:
Гэр бүл, хөдөлмөр, нийгмийн хамгааллын яамМонгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн ивээл дор “Монгол эр хүн” үндэсний III чуулганыг /2026.03.17/-ний өдөр Гэр бүл, хөдөлмөр, нийгмийн хамгааллын яам Төрийн ордонд хамтран зохион байгууллаа.

Монгол цэргийн өдөр, Зэвсэгт хүчний түүхт 105 жилийн ойн босгон дээр төр, хувийн хэвшил, орон нутгийн төлөөлөл болох 600 гаруй эрчүүдийн төлөөлөлтэй "Монгол эр хүн" чуулган үндэсний үнэт зүйл, гэр бүл дэх оролцоо, нийгмийн үүрэг хариуцлагынхаа талаар нээлттэй хэлэлцлээ.

Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх чуулганыг нээж үг хэлэхдээ, "Монголчууд эрэгтэй хүүхдээ эр зориг, эрдэм билиг, холч ухаан, уужуу сэтгэлтэй, тэсвэр хатуужил, ёс жудаг, чин шударга, андгай тангарагтаа үнэнч байхыг сурган хүмүүжүүлж, төр улс, түмэн олондоо өмөг түшиг болсон ноён нуруутай эрсийг “монгол эр хүн” хэмээн өргөмжилж ирсэн"-ийг онцлон тэмдэглэлээ.
Гэр бүл, хөдөлмөр, нийгмийн хамгааллын салбарын хувьд эрэгтэйчүүдийн нийгэмд оруулах хувь нэмрийг бодлогоор дэмжих шаардлага тулгарч байна.
-2021 онд эрэгтэй, эмэгтэй хүний дундаж наслалтын зөрүү 9.5 жил байсан бол 2024 оны статистикоор 9.18 жил болж, зөрүү 0.32 функтээр багассан эерэг үзүүлэлт гарлаа.
-Жилд 4436 хос гэрлэлтээ цуцлуулж, 15 мянга орчим өрхийг ганц бие аавууд авч явж байна. Энэ нь аавуудын гэр бүл, үр хүүхдийнхээ өмнө хүлээх хариуцлагыг сайжруулах Гэр бүлийн тухай хуулийн шинэчилсэн найруулгыг УИХ-д өргөн барих гол үндэслэл болсон юм.
-Нийт ажиллах хүчний 53.5 хувийг эрэгтэйчүүд бүрдүүлж, тээвэр, барилга, уул уурхайн салбарын ажиллагсдын 75-аас дээш хувийг эзэлж байна.
Бид ажил эрхэлдэг аавуудад гэр бүлдээ цаг гаргах боломжийг олгох “Эцгийн чөлөө”, хөгжлийн бэрхшээлтэй хүүхдээ асарч буй эцгийн нийгмийн даатгалыг төрөөс хариуцах зэрэг хүн төвтэй бодлогуудыг хэрэгжүүлж эхлээд байна. Мөн 2026-2030 онд өрнөх “Эх оронч монгол” үндэсний хөдөлгөөний хүрээнд эрүүл чийрэг, ёс зүйтэй иргэнийг төлөвшүүлэхэд манай салбар манлайлан оролцох болно.
Энэхүү чуулганаас гарсан 50 гаруй санал зөвлөмжийг бодит ажил хэрэг болгож, эрчүүд маань гэр бүлдээ аз жаргалтай, нийгэмдээ манлайлагч байх нөхцөлийг бүрдүүлэхэд онцгойлон анхаарч ажиллана. Монгол Улсынхаа тусгаар тогтнол, амар амгалан амьдралын манаанд зогсож буй нийт эрчүүддээ, офицер, ахлагч, цэрэг эрс болон үе үеийн ахмад дайчиддаа Монгол цэргийн өдрийн баярын мэндийг өргөн дэвшүүлье!