Онцлох мэдээ1 мин унших
Олон улсын чанартай тэмцээнүүдэд амжилттай оролцсон суралцагчдыг шагнаж урамшууллаа

Эх сурвалж:
Гэр бүл, хөдөлмөр, нийгмийн хамгааллын яамОдоохон...
Онцлох мэдээ1 мин унших

Эх сурвалж:
Гэр бүл, хөдөлмөр, нийгмийн хамгааллын яам
Олон улсын хүүхдийн эрхийг хамгаалах өдрийг тохиолдуулан өнөөдөр /2026.06.02/ Монгол хүүхдийн оюун билиг, бүтээлч сэтгэлгээ, тууштай хичээл зүтгэлээрээ үеийнхэндээ эерэг үлгэр дуурайлал болсон шилдэг сурагчдаа Төрийн ордонд хүлээн авч, хүндэтгэл үзүүллээ.

Энэ жилийн Хүүхдийн баярыг НҮБ-аас “Хүүхдийн эрхийг хэрэгжүүлэхэд өдөр бүр анхааръя” гэсэн уриан дор тэмдэглэж байна. Хүүхдийн эрх, аюулгүй байдал, тэдний хөгжих орчныг бүрдүүлэх нь зөвхөн баярын өдөр бус өдөр бүрийн хамтын үүрэг байх учиртай.
Энэ ч утгаараа бид төрөөс хүүхдийн хөгжлийг дэмжих бодитой ажлуудыг үе шаттай хийж байна.
Тухайлбал, Хүүхдийн төлөө сангаас:
-Хүүхдэд зориулсан барилга байгууламж, тоног төхөөрөмжийг шинэчлэхэд 7.8 тэрбум төгрөгийн санхүүжилтийг шийдвэрлэсэн.
-Олон улс, тив дэлхийн тэмцээнд амжилт гаргасан 147 хүүхдэд 416.0 сая төгрөгийн мөнгөн дэмжлэг, урамшуулал олгоод байна.
Өнөөдрийн арга хэмжээний үеэр найзынхаа гэр бүлийн дөрвөн гишүүний амь насыг эрсдэлээс аварсан баатарлаг охин З.Эмүжин, Залуу хөгжимчдийн олон улсын XII уралдааны алтан медальт хийлч Т.Есүй, Монголын хүүхдийн зөвлөлийн дэд тэргүүн Д.Алдардэлгэр тэргүүтэй нийт 25 хүүхдэд талархал, "Найрамдал" цогцолборт амрах эрхийн бичгийг гардууллаа.
Үе тэнгийнхнээ манлайлж, авьяас чадвар, тууштай хөдөлмөрөөрөө эх орныхоо нэрийг тив, дэлхийд гаргаж буй хүүхэд багачуудаараа туйлаас бахархаж байна. Мэдлэг боловсролтой, зөв сэтгэлтэй Монголын ирээдүй болсон хүүхдүүддээ улам их амжилт хүсье!
