Байр суурь2 мин унших
Д.Энхтүвшин: Үндсэн хууль болон бусад хуулийн биелэлтийг улс даяар зохион байгуулж, хангуулах ажлыг ЗГ хэрэгжүүлэх ёстой ч хангалтгүй байна!
Сэтгүүлч Б.Хонгорсайхан
Одоохон...
Байр суурь2 мин унших
Сэтгүүлч Б.Хонгорсайхан

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн Д.Энхтүвшин:
Монгол Улсын Үндсэн хууль бусад хуулийн биелэлтийг улс даяар зохион байгуулж хангах үндсэн бүрэн эрхийг ЗГ хэрэгжүүлэх ёстой байдаг. Энэ үүргийн хэрэгжилт хангалтгүй байна. Хот тосгоны эрх зүйн байдлын тухай хуулийн хэрэгжих ёстой хугацаа нь дуусаж байхад гуравхан хоногийн өмнө оруулж ирж, яаралтайгаар хэлэлцүүлье гэдэг асуудал тавьж байна. 2020, 2021 онд энэ үндсэн хуулийн 2019 оны өөрчлөлттэй уялдуулаад хууль тогтоомжуудаа нийцүүл гээд хоёр ч тогтоол гаргасан. Гүйцэтгэхгүй байна.
2020 оны 02 дугаар тогтоолоор Үндсэн хуульд орсон нэмэлт өөрчлөлттэй уялдуулаад 34 хуульд шинэчлэн найруулах, нэмэлт өөрчлөлт оруулахаар тусгасан. Энэ 34-өөс хэд нь өөрчлөгдөөгүй үлдчихсэн байна?

Мөн Монгол Улсын хууль тогтоомжийг 2024 он хүртэл боловсронгуй болгох Үндсэн чиглэлд 153 хуульд өөрчлөлт оруулахаар тусгачихсан байгаа. Энэ 153 хууль тогтоомж дээр үүнтэй адилхан нөхцөл байдлууд үүсэж байгаа юу? Ямар ямар чухал, хууль тогтоомжуудыг өөрчлөөгүй үлдчихсэн байгаа вэ?
УИХ хяналтын чиг үүргүүдээ биелүүлэхгүй бол ЗГ бүрэн эрх, үүргээ хэрэгжүүлэхгүй байгаа дүр зургууд харагдаж байна. Иймд УИХ-ын хяналтын чиг үүргүүдийг төрийн байгуулалт болон ХЗБХ-ны дарга нар анхаарч ажиллах шаардлагатай харагдаж байна.