Байр суурь2 мин унших
П.Сайнзориг: Ирэх жилүүдэд эдийн засаг, гадаад нөхцөл байдал амаргүй байхаар байна. Үүн дээр ямар хариу арга хэмжээ авахаар төлөвлөж байна!
Сэтгүүлч Б.Хонгорсайхан
Одоохон...
Байр суурь2 мин унших
Сэтгүүлч Б.Хонгорсайхан

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн П.Сайнзориг:
Ирэх жилүүдэд эдийн засагт гадаад нөхцөл байдалд нөлөөлөх байдал амаргүй л байх байх. Үүн дээр Эдийн засгийн хөгжлийн яам бодит ямар эрсдэлүүд байна, ямар хариу арга хэмжээнүүд авахаар төсөөлж байна? Ер нь юу гэж дүгнэж байгаа вэ? Үе үед л дэлхийн өнцөг булан бүрд л зөрчил мөргөлдөөн, худалдааны дайн гэх мэт зүйлүүд ААН байгууллагуудын тодорхой салбарын өрсөлдөх чадварыг хумьж байна. Өртгийг нэмж байна. Энэ бид нарт шууд нөлөөлөх байх. Үүнийг хэрхэн харж дүгнэж ямар хариу арга хэмжээ авна гэж тооцож байгаа вэ? Дотооддоо ажлын байруудыг хадгалах, нэмэгдүүлэх чиглэлд бодлогын түвшинд авна гэж төсвийн хүрээний мэдэгдэл болон төсөөллийн явцад харж байгаа вэ? Экспортын орлого гайгүй байж чадах уу? Зөвхөн нүүрс л гээд байдаг.

Нүүрсийг ирэх жилүүдэд 105 сая тоннд хүргэнэ л гээд байгаа. Төмөр замын бүтээн байгуулалт ямархуу явцтай явна? Ашиглалтад орох уу? Зөвхөн авто тээврээр энэ хэмжээний нүүрс арай зөөхгүй байлгүй. Төмөр замын боомтууд ашиглалтад орчихно гэж тооцож байна уу? Экспортыг төрөлжүүлэх буюу зөвхөн нүүрс зэсээсээ гадна өөр ямар боломжууд байна. Нэг ёсондоо ХАА-н бүтээгдэхүүний төрөлжилт дээр юу байна? Одоо гаргаж байгаа зэсийн хэмжээг нэмэгдүүлэх боломж юу байна? ЗГ-аас Ашигт малтмалын хууль өргөн барьж байгаа гэж байна. Энэ бодлого үүнтэй чинь уялдаж, тооцоо судалгаанд чинь орж байна уу? Төрийн өмчийн компанийн засаглал, реформын асуудлуудыг хаврын чуулгандаа баталчихмаар байна. Эдийн засгийн хөгжлийн яам үүнийг юу гэж харж байна? Улсын төсөвтэйгөө дүйцэхүйц хөрөнгө оруулалтууд тэнд яригдаад байна. 40-50 мянган хүмүүс ажиллаж байна. Ихэнх нь өгөөж муутай буюу цэвэр ашигтай нь ч тун цөөхөн юм. Зах зээл дэх хувийн хэвшлийн орон зайг тэлж өгөхийн тулд өртөг зардлыг бууруулахын тулд салбарын яам төсвөөс гадуурх зүйлүүдийг хэрхэн харж байна?