Олон улсад "Crowdfunding" буюу "хамтын санхүүжилт" нь иргэд, гарааны бизнес, жижиг, дунд үйлдвэрлэл, инновацын төслүүдэд олон нийтээс цахим платформоор дамжуулан хөрөнгө татах орчин үеийн санхүүжилтийн хэлбэр болон эрчимтэй хөгжиж байна.
Монгол Улсад энэ төрлийн санхүүжилтийн эрх зүйн орчин бүрэн бүрдээгүй байгаа тул хөрөнгө оруулагчийн эрх ашгийг хамгаалах, платформын үйл ажиллагааг зохицуулах, санхүүгийн зах зээлийг төрөлжүүлэх зорилгоор УИХ-ын гишүүн О.Саранчулуун гишүүн "Хамтын санхүүжилтийн тухай" хуулийн төслийг боловсруулж байна.