Засгийн газар байгуулагдаж, мөрийн хөтөлбөрөө УИХ-аар батлахдаа нийт 578 заалт, 11 хэмжих нэгжээр 4 жилийн хугацаанд хүрэх үр дүнгээ тодорхойлсон. Үүнд авлигын индексийг бууруулах, хүний хөгжлийн индексийг ахиулах, шударга ёсыг тогтоох хууль хэрэгжилтийн орчныг сайжруулах зэрэг олон талт зорилт багтсан.
Харин төсөв хэлэлцэх явцад урсгал зардал болон аж ахуйн шинжтэй асуудлууд давамгайлж байна. Төсөв танагдсанаар хүний эрхийн зөрчил, хууль хэрэгжилтийн доголдол үүсэх эрсдэл байна. Энэ нь төсвийн хүрэлцээ хууль хэрэгжилтийн чанарт шууд нөлөөлдгийг нотолж байгаа юм. Иймээс Хууль зүйн яам болон холбогдох байгууллагууд хамтран төсөв танах нь хууль хэрэгжилт, хүний эрхэд хэрхэн нөлөөлдгийг тооцсон судалгаа, тооцоолол хийж асуудалд хандах нь цаашид ач холбогдолтой.