Байр суурь2 мин унших
С.Эрдэнэболд: Х.Ганхуяг гишүүн ээ, бид лааз, поошиг нь байтугай ёмкость ярьсан ч эмзэглэж болохгүй ажил хийж байгаа
Эх сурвалж:
Vip76.mnОдоохон...
Байр суурь2 мин унших
Эх сурвалж:
Vip76.mnХэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн С.Эрдэнэболд:
Нэгдүгээрт, Монгол Улсын төсөв үндэсний аюулгүй байдлын үзэл баримтлалд нийцэж байгаа эсэх талаар 15 жил ёс төдий дүгнэлт гаргасан. Энэ дээр нарийвчилсан зохицуулалт шалгуур үзүүлэлтийг нь тодорхой болгох дээр ажил хиймээр байна гэж хэлж байсан. "За" гэсэн. Дараа нь 8 сарын 28-ны өдөр асуулга явуулсан. Энэ дээр ерөөсөө шийдвэр гарахгүй байгаа. Монгол Улсын төсвийн эрэмбийг зөв томьёолох, монгол хүний амьд явах эрүүл аюулгүй орчинд амьдрах эрх, цаашлаад Монгол Улсын хөгжил дэвшилтэй холбоотой асуудал дээр төсөв сэтгэлийн хөдлөлд автсан, улс төржсөн байж болохгүй байх. Түүнийг нь хангах гол зүйл бол энэ шалгуур үзүүлэлт юм байгаа юм. Энэ ажил ер нь явагдсан уу, энэ төсөв дээр хийгдсэн үү?
Хоёрдугаарт, урсгал зардлыг 6-12,8%-аар бууруулаад, тоног төхөөрөмжийн зардлыг 50%-аар бууруулахдаа багш, эмч, эмнэлгийн байгууллагын ажиллагсад, төрийн өмчийн эрдэм шинжилгээний хүрээлэнгийн ажилчдын цалин ахмад настны болон халамжийн тэтгэврийг инфляцын түвшинтэй уялдуулан нэмэхтэй холбоотой асуудал бий. Онцгойгийнхон ч гэдэг юм уу ер нь ингээд бусад албан хаагч нар "ажил хаяж байж л энэ асуудал явах юм байна" гэж дотроо бодож байгаа шүү дээ. Энэ асуудал дээр урт хугацаандаа хэрхэн зөв Монгол Улсын өрсөлдөх чадварыг ахиулсан байдлаар шийдэх юм бэ?
Гуравдугаарт, ТӨК ач холбогдолгүй үр ашиггүй ажиллаад байгаа татаас аваад ажиллаад байгаа зүйлүүд их цомхотгоно. Тэдгээрийн ажилчдын цалинг нь 3 дахин бууруулна гэдэг юм чинь явж байгаа юм уу. Төсөв ярихдаа дараа, жилийн төсвийн хүрээ тэрний дараа жил рүү шилжих төсвийн төсөөлөл ярихдаа судалгаатай, сэтгэл хөдлөлөөс ангид шийдмээр байна.
Дөрөвдүгээрт, Н.Учрал сайдаас асуумя. 5 жилийн хөгжлийн хөтөлбөр гээд гараад ирсэн. Энэ 5 жилийн хөгжлийн төлөвлөгөөтэй бид нарын хэлэлцэж байгаа асуудал хэр уялдаж байгаа юм? Дахиад л 5 жилийн туршид гал унтраах маягаар явмааргүй байна.
