#Коммент3 мин унших
Р.Сэддорж: 2025 оны ажлын тайлангаа танилцуулж, ард иргэдийнхээ санал хүсэлтийг сонслоо

Сэтгүүлч Б.Хонгорсайхан
Одоохон...
#Коммент3 мин унших

Сэтгүүлч Б.Хонгорсайхан
Монгол Улсын түүхэнд анх удаа мэргэжлийн экспертүүдээс бүрдсэн 126 гишүүнтэй, таван намын төлөөлөл бүхий шинэ парламент бүрдсэнээр төлөөллийн зарчим илүү батажсан гэж болно. Тэдэнд УИХ-ын үйл ажиллагааг мэдрэхээс аваад нийгмийн шударга ёсны хүсэмжлэл дээд цэгтээ хүрсэн эгзэгтэй цаг үед хүний эрх, хуульт ёс, шударга байдлын зарчмыг хангасан хууль тогтоомжийг батлан гаргах хариуцлагатай үүрэг бий!
Хонгор сум

Уулзалтын хүрээнд 2025 оны ажлын тайлангаа танилцуулж, ард иргэдийнхээ санал хүсэлтийг сонслоо. Иргэдийн зүгээс:
Сум орон нутагт ажиллаж байгаа төрийн албан хаагчдын нийгмийн асуудал
Орон сууцны түрээсийн нөхцөл, цаашлаад суманд орон сууцны ипотекийн зээлийг олгодог болох, -Дулааны эрчим хүчээр хангах хугацааг сунгаж өгөх
Залуу малчдаа дэмжих, олон улсын малчдын арга хэмжээнд хамруулж байх зэргээр иргэд, асуулт саналуудаа дэвшүүллээ.
Ноён сум

Малчид, ирвэс хоорондын зөрчил хүнд болж, бод малын төл авахаа байсан, бог малаа 20,30-аар нь бариулж, амин зуулгаа алдан яах учраа олохгүй байгаа малчид ирж бодит байдлаа ярилаа.
Баяндалай сум

Иргэдийн зүгээс дараах санал, хүсэлтийг илэрхийллээ. Тухайлбал:
Боловсрол эрүүл мэндийн салбарын зарим ажилтны цалинг нэмэгдүүлэх
Залуу малчдаа дэмжих бодлого сайн хэрэгжүүлэх, малчин залуус ховордож байгаад анхаарах
Орон нутагт цөөн сурагчтай сургуулийн санхүүжилтийг нэмэгдүүлэх боломжийг судлах,
Худалдан авах ажиллагааны хүрээнд сум орон нутагт ирж байгаа хөрөнгө оруулалтын тоног төхөөрөмжийн чанарт анхаарах
Тэтгэвэр нэмэгдүүлэх, түрээсийн орон сууцанд ахмад настнуудаа хамруулах
Шатахууны хомсдол цаашид хэрхэх
Хонины нэхийг үнэ хүргэх зэрэг салбар бүрийн л асуудлаа ярьж байна. Аймаг, сумаас шийдвэрлэх боломжтой, шийдвэрлэсээр ирсэн зарим асуудлыг аймгийн Засаг даргын зүгээр тайлбар мэдээллийг мөн иргэдэд хүргэлээ.
Хүрмэн сум

Хүрмэн сумын иргэдийн нийт асуулт саналын 70% нь Цагаан дэлийн замын асуудал, ахмад настнуудын тэтгэврийн зөрүүг багасгах, малын гаралтай түүхий эд ялангуяа хонины нэхий ямар ч үнэгүй, үхрийн шир мөн үнэгүйдэж хаягдаж байгаад төр засгаас анхаарч арьс ширний үйлдвэр барих зэргээр сум орон нутаг, мал малчдын хувьд тулгамдаж буй хэд хэдэн сэдвээр саналуудаа хэлж, сонирхсон асуултад нь холбогдох хариултыг өгч ажиллав.
Даланзадгад хот

Иргэдийн зүгээс ахмадууд тэтгэвэрийн нэмэгдэл, асрамжийн газар, ахмадын өргөө, "нутгийн дэм" хөтөлбөрт хамрагдах зэргээр саналуудаа хэлж, өнөөгийн нийгмийн бухимдал, гэмт хэрэг зөрчилд санаа зовж, хуулиа чангатгах асуудлыг хөндөн ярьж байна. Газар олголт, хүн амын төвлөрөл ихсэж, автомашины замын ачаалал нэмэгдэж байгаа энэ үед түгжрэлгүй хот болохоо одооноос төлөвлөх, эрүүл мэнд боловсролын салбарын тулгамдсан бодит байдлыг ч залуус ярьж байна. Хуульд оруулах өөрчлөлт санал хүсэлтийг бичгээр мөн хүлээн авлаа.
Бизнес эрхлэгч татвар төлөгчдийн зүгээс НӨАТ-ын босгыг 400 сая болгох саналаа татварын багц хуулийн төсөлд тусгасан. Гэтэл Засгийн газраас Татварын багц хуулийг УИХуралд танилцуулахдаа НӨАТ-ын босгыг 400 сая биш Хялбаршуулсан горимоор тайлагнах босгыг 400 сая болгон өөрчилсөн байгааг татвар төлөгчдийн зүгээс шүүмжилж байна. Татвар төлөгчдийн өгсөн саналын зорилго нь НӨАТ-ийн борлуулалтын орлогын босгыг 400 сая хүргэх явдал юм гэдгийг ч онцоллоо.