Байр суурь2 мин унших
Х.Булгантуяа: Зургаан жил Үндсэн хуулийн зөрчилтэй дэгээр УИХ хуралдаж ирсэн хэмээн ҮХЦ дүгнэлээ
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн

Улсын Их Хурлын чуулганы /2026.03.31/-ний өдрийн нэгдсэн хуралдаан болж байна. Өнөөдрийн хурлааар Монгол Улсын Үндсэн хуулийн цэцийн 2025 оны 12 дугаар дүгнэлт /Монгол Улсын Их Хурлын чуулганы хуралдааны дэгийн тухай хуулийн 101 дүгээр зүйлийн 101.1, 102 дугаар зүйлийн 102.1 дэх хэсгийн холбогдох зохицуулалт Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/ хэлэлцлээ.
Хэлэлцэж буй асуудалтай холбогдуулан гишүүд асуулт асуулаа.
УИХ-ын гишүүн Х.Булгантуяа:
УИХ-ын дэгийн тухай хууль дээр Үндсэн хууль зөрчсөн зүйл заалтыг 2020, 2024 онуудад ижил төстэйгөөр тусгасан гэж Цэцийн дүгнэл гарчээ. Энэ нь УИХ өөрөө өөрийнхөө дэгийг ч Үндсэн хуульдаа нийцүүлж хийж чадаагүй байна гэсэн үг.
Олуулаа суугаад 2 удаа дэгээ батлахдаа 2 удаа үндсэн хуулийн зөрчилтэй байхад ойлгоод зөв тусгачихгүй дээ гэж гишүүн хэлж байна. Тус Ажлын хэсгийн ахлагчаар С.Бямбацогт сайд ажилласан. Сая ҮХЦ дээр Үндсэн хуулиа хамгийн сайн мэддэг хүн гэж эсрэг талаас очиж маргасан. Ийм ойлгомжтой зүйлийг Үндсэн хуультайгаа нийцүүлээд Дэгийн тухай хууль дээрээ тусгаж чадаагүй байж өнөөдөр УИХ-ыг ийм нөхцөл байдалд хүргэсэн нь үнэн шүү дээ.
Тухайн үед УИХ-ын Тамгын газрын даргаар н.Өлзийсайхан ажиллаж байсан. Дэгийн тухай хуулиа ч үндсэн хуулийн зөрчилгүйгээр хийж чадаагүй байна. Үүнийгээ засах нь зүйтэй. Тиймээс энэ удаа дэгийн тухай хуулиа улам сайжруулах ялангуяа Үндсэн хуулинд цагийг нарийн зохицуулалттай заасан асуудлуудыг ажлын хэсэг гаргаад ажиллах нь зүйтэй байх гэж үзэж байна. Дараа дараагийн байнгын хорооны хурал даргалагч, хуралдаан даргалагч нарыг Үндсэн хуулийн хувьд ямар нэгэн асуудалд унагахгүйн тулд өнөөдөр засаж залруулах шаардагатай. 6 жил үндсэн хуулийн зөрчилтэй дэгээр УИХ хуралдаж иржээ.