#Тойрог1 мин унших
Боловсролын байгууллагын удирдлагуудтай уулзалт хийж, тулгамдсан асуудлыг сонслоо

Одоохон...
#Тойрог1 мин унших

УИХ-ын гишүүн Ц.Идэрбат, Л.Соронзонболд, М.Ганхүлэг нар Политехник коллеж, Хэрлэн сумын ЕБС, СӨБ-ын захирлуудтай уулзалт хийж тулгамдаж буй асуудлуудыг нь сонслоо. Удирдлагуудын зүгээс салбарын хэмжээнд гацаанд орсон дүрэм журам, эрх зүйн орчныг сайжруулах, хүний нөөцийн бодлого, нийгмийн баталгаа, дижитал шилжилт болон цалин хөлстэй холбоотой хэд хэдэн санал дэвшүүллээ.
Тухайлбал, цалинг 50 хувиар нэмэгдүүлнэ гэсэн шийдвэр бүрэн хэрэгжээгүй, бодит өсөлт нь 100–700 мянган төгрөгийн хооронд нэмэгдсэн гэдгийг сургуулийн удирдлагууд хэлж байна. Салбарын яамны санхүүжилтээс шалтгаалж 1, 2 дугаар сарын ЭМД болон нийгмийн даатгалын шимтгэлийн өр үүссэнийг тэмдэглэв.
Боловсролын яам, Засгийн газрын журамд заасан үүргийг хэрэгжүүлэхдээ ажил хавсран гүйцэтгүүлж байгаа ч урамшууллын зохицуулалт дутмаг байна. Үүнээс шалтгаалж Дотоод хяналтын нэгж, Хөдөлмөрийн аюулгүй байдал, эрүүл ахуйн (ХАБ) ажилтан, Систем, сүлжээ хариуцсан мэргэжилтэн зэрэг орон тоо дутагдалтай байгааг захирлууд уламжиллаа.
Төрийн худалдан авах ажиллагааны газрын цахим системийн “Цахим дэлгүүр”-ийн бараа бүтээгдэхүүний хүртээмж хангалтгүй, үнэ нь зах зээлийн ханшаас өндөр байгаа талаар шүүмжлэлтэй хандаж байна. Мөн уулзалтын үеэр Тамхины тухай хуулийн төсөл, Татварын багц хуулийн шинэчлэл, тойргийн гишүүдийн үйл ажиллагааны талаар мэдээлэл хүргэлээ.

