Багш, сурган хүмүүжүүлэгчдийн зүгээс боловсролын салбар дахь жендэрийн асуудалд анхаарах, багш нарын хөдөлмөрийн нөхцөлийг “хүнд нөхцөл”-өөр тооцдог болох, сурагчдын гадаад хэлний сургалтад онцгой анхаарах, насан туршийн боловсролын хүртээмжийг нэмэгдүүлэх, сургууль, цэцэрлэгийн барилгуудад их засвар хийх, өргөтгөх, шинээр барих ажлуудыг эрчимжүүлэх, сургуулийн дотуур байрны ариун цэврийн байгууламжийг бүрэн шийдвэрлэх зэрэг саналуудыг илэрхийллээ.

Миний хувьд хүүхдэд, боловсролд зориулсан хөрөнгө оруулалт хамгийн үр өгөөжтэй гэж боддог. Дорнод аймгийн Засаг даргаар ажиллаж байхдаа “Хүн болох багаасаа” хүүхдиын хөгжлийг дэмжих төслийг санаачлан, төр, хувийн хэвшлийн түншлэл, эцэг эхийн дэмжлэгээр амжилттай хэрэгжүүлсэн. Уг төслийн туршлага, үр дүнд тулгуурлан Хүүхдийн хөгжлийг дэмжих тухай анхдагч хуулийг санаачлан боловсруулсан.

Мөн салбарын яамнаас Жижиг, дунд үйлдвэр, үйлчилгээг дэмжих тухай хуулийн нэмэлт, өөрчлөлтийн төслийг боловсруулж, өргөн барихад бэлэн болоод байна. Хуулийн төсөлд иргэдэд бизнес эрхлэхийг нь дэмжиж нэг удаад тодорхой болзолтойгоор үнэ төлбөргүй газар олгох, сургалтад хамрагдсан хүмүүст хөнгөлөлттэй зээл олгох, хөнгөлөлттэй зээл авсан тохиолдолд зөвлөх үйлчилгээ үзүүлэх зэргээр хувийн хэвшлийг дэмжихээр тусгасан.

Хүн бүр чаддаг зүйлээ хийж, аймаг, орон нутагтаа орлоготой амьдрах боломжийг бүрдүүлэх зорилготой энэхүү хуулийн төсөл УИХ-ын даргын “Чөлөөлье” санаачилга, Ерөнхий сайдын “Цэгцрэх ” хөдөлгөөнтэй уялдаж буй.

Сүхбаатар аймгийн боловсролын салбарын 350 гаруй багш, ажилтнуудтай уулзлаа